نوجوان کھلاڑیوں نے یقینا پاک نیوزی لینڈ سیریز سے بہت کچھ سیکھا ہوگا، فاطمہ ثناء

اتوار 10 دسمبر 2023 05:55

کوئنز ٹائون(اُردو پوائنٹ اخبارتازہ ترین - این این آئی۔ 10 دسمبر2023ء) پاکستانی ویمنز ٹیم کی کھلاڑی فاطمہ ثناء نے کہاہے کہ نوجوان کھلاڑیوں نے یقینا پاک نیوزی لینڈ سیریز سے بہت کچھ سیکھا ہوگا۔میڈیا سے گفتگو کرتے ہوئے انہوںنے کہاکہ جس طرح ہم نے تاریخ رقم کی ہے کوشش ہوگی کہ ون ڈے سیریز میں بھی ہم اس کارکردگی کو دوہرائیں۔

(جاری ہے)

انہوںنے کہاکہ پی سی بی کا شکریہ کہ اس نے میرا ری ہیب کرایا اس سے مجھے بہت مدد ملی۔

انہوںنے کہاکہ یہاں آکر مجھے ردھم میں آنے کیلئے ٹیم منجمنٹ نے بہت مدد کی جس سے مجھ میں اعتماد آیا۔ انہوںنے کہاکہ بڑی ٹیموں کو ہرانے سے آپ میں اعتماد آتا ہے۔ انہوںنے کہاکہ نوجوان کھلاڑیوں نے یقینا پاک نیوزی لینڈ سیریز سے بہت کچھ سیکھا ہوگا۔ انہوںنے کہاکہ کوشش کرینگے کہ ہم ون ڈے سیریز کا آغاز بھی جیت سے کریں۔