آئندہ 24گھنٹوں کے دوران ملک کے بیشتر میدانی علاقوں میں موسم سرد اور خشک رہے گا

اتوار 10 دسمبر 2023 18:00

اسلام آباد (اُردو پوائنٹ اخبارتازہ ترین - اے پی پی۔ 10 دسمبر2023ء) آئندہ 24گھنٹوں کے دوران ملک کے بیشتر میدانی علاقوں میں موسم سرد اور خشک جبکہ خطہ پوٹھوہار اور بالائی خیبرپختونخوا میں مطلع جزوی ابر آلودرہے گا ۔ پنجاب، خیبر پختونخوا کے میدانی علاقوں اور بالائی سندھ میں سموگ / دھند چھائے رہنے کا امکان ہے۔

(جاری ہے)

اتوار کو محکمہ موسمیات کے مطابق آج پیر کوملک کے بیشتر میدانی علاقوں میں موسم سرد اور خشک جبکہ خطہ پوٹھوہار ، بالائی خیبرپختونخوا اور کشمیر میں مطلع جزوی ابر آلودرہے گا ۔

پنجاب، خیبر پختونخوا کے میدانی علاقوں اور بالائی سندھ میں صبح اور رات کے اوقات میں سموگ / دھند چھائے رہنے کا امکان ہے۔گذشتہ 24 گھنٹوں کے دوران ملک کےبیشتر علاقوں میں موسم سرد اور خشک رہا ۔جبکہ شمالی علاقوں میں شدید سرد رہا۔اتوار کو ریکارڈ کیے گئے کم سے کم درجہ حرارت : لہہ منفی 11،اسکردو منفی 8، سری نگر، کالام منفی 5،گلگت منفی 4، پلوامہ، اننت ناگ،بارہ مولہ، قلات اور گوپس میں منفی 3 ڈگری سینٹی گریڈ ریکارڈ کیا گیا۔