آئی جی پنجاب ڈاکٹر عثمان انور کی جانب سے پولیس ملازمین کی ہیلتھ ویلفیئر کیلئے اقدامات جاری

ڈاکٹر عثمان انور نے مزید 08 ملازمین کی ہیلتھ ویلفیئر، میڈیکل اخراجات کیلئے 08 لاکھ روپے جاری کر دئیے

اتوار 10 دسمبر 2023 19:50

لاہور(اُردو پوائنٹ اخبارتازہ ترین - این این آئی۔ 10 دسمبر2023ء) انسپکٹر جنرل پولیس پنجاب ڈاکٹر عثمان انور کی جانب سے پولیس ملازمین اور انکے اہل خانہ کی ہیلتھ ویلفیئر کیلئے اقدامات جاری ہیں جس کے تسلسل میں ڈاکٹر عثمان انور نے مزید 08 ملازمین کی ہیلتھ ویلفیئر، میڈیکل اخراجات کیلئے 08 لاکھ روپے جاری کر دئیے ہیں۔ تفصیلات کے مطابق فیصل آباد کے کانسٹیبل واجد حسین کو بیٹے کے کینسر کے علاج کیلئے اڑھائی لاکھ روپے دئیے گئے ، فیصل آباد کے کانسٹیبل محمد عاصم کو کینسر کے علاج کیلئے 01 لاکھ روپے دئیے گئے۔

ساہیوال کے کانسٹیبل حمزہ ریاض کو فالج کے علاج کیلئی01 لاکھ روپے دئیے گئے، اے ایس آئی محمد زاہد اور سپیشل برانچ کے ہیڈ کانسٹیبل محمد احسن امین کو بیٹی کے علاج کیلئے 70 ہزار روپے فی کس دئیے گئے ، ہیڈ کانسٹیبل شاہد محمود اور کانسٹیبل محمد افضال کو مختلف بیماریوں کے علاج کیلئے 70 ہزار روپے فی کس دئیے گئے ۔

(جاری ہے)

سینئر کلرک محمد عرفان کو ہرنیہ کے آپریشن کیلئے 66 ہزار روپے دئیے گئے۔ آئی جی پنجاب ڈاکٹر عثمان انور نے افسران کو ہدایات دیتے ہوئے کہا کہ صحت کے مسائل سے دوچار افسران و اہلکاروں کے علاج معالجے کیلئے اقدامات میں تیزی لائی جائے تاکہ افسران و اہلکاروں پوری دلجمعی کے ساتھ فرائض کی ادائیگی پر توجہ مرکوز رکھیں۔