آمنہ بلوچ کی برسلز میں یونان کے سفیر سے ملاقات، دوطرفہ تعلقات پر گفتگو

پیر 11 دسمبر 2023 21:30

برسلز(اُردو پوائنٹ اخبارتازہ ترین - این این آئی۔ 11 دسمبر2023ء) بیلجیئم، لکسمبرگ اور یورپی یونین میں پاکستان کی سفیر آمنہ بلوچ نے برسلز میں یونان کے سفیر ڈائونیسیوس کلاموریزوس سے ملاقات کی۔

(جاری ہے)

پاکستانی سفارتخانے نے پیر کو سوشل میڈیا پلیٹ فارم ایکس پر ایک ٹویٹ میں کہا کہ ملاقات میں دو طرفہ تعلقات پر تبادلہ خیال کیا گیا۔ ملاقات میں فریقین نے پاکستان اور یونان کے درمیان تعاون کو بڑھانے کے عزم کا اعادہ کیا۔