چائے بنانے پر جھگڑا، شوہر نے طیش میں آکر بیوی کا گلا کاٹ دیا

پولیس کے پہنچنے پر خاتون دم توڑ چکی تھی، لاش کو تحویل میں لے لیا گیا،بھارتی میڈیا

جمعرات 21 دسمبر 2023 17:10

چائے بنانے پر جھگڑا، شوہر نے طیش میں آکر بیوی کا گلا کاٹ دیا

نئی دہلی(اُردو پوائنٹ اخبارتازہ ترین - این این آئی۔ 21 دسمبر2023ء) بھارت میں میاں بیوی کے درمیان چائے بنانے پر جھگڑا ہوا جس پر غصے میں آکر شوہر نے بیوی کا گلا کاٹ دیا۔بھارتی میڈیا کے مطابق یہ واقعہ غازی آباد کے علاقے میں پیش آیا جہاں شوہر دھرم ویر اور ان کی اہلیہ سندری کے درمیان چائے بنانے پر جھگڑا ہوا۔

(جاری ہے)

پولیس کا بتانا ہے کہ دونوں کے درمیان جھگڑا شروع ہوا اور دھرم ویر نے طیش میں آکر اپنی بیوی کے گلے پر تیز دھار آلے سے تین سے چار وار کیے۔

پولیس کے مطابق بیوی پر حملہ کرنے کے بعد دھرم ویر موقع سے فرار ہو گیا جبکہ بیٹے کی جانب سے پولیس کو واقعے کی اطلاع دی گئی اور شکایت درج کروائی۔پولیس نے مزید بتایا کہ پولیس کے پہنچنے پر خاتون دم توڑ چکی تھی، لاش کو تحویل میں لیا گیا اور چھاپوں کے دوران ملزم کو بھی گرفتار کر لیا گیا ہے۔