بھارت کشمیریوں کے ساتھ غلاموں جیسا سلوک کر رہا ہے،کشمیری بنیادی حقوق سے بھی محروم ہیں ،رپورٹ
ہفتہ 23 دسمبر 2023 18:00
(جاری ہے)
مقبوضہ جموں وکشمیر کوفوجی طاقت کے بل پر اپنی کالونی بناناآر ایس ایس اور بی جے پی کا دیرینہ خواب رہا ہے جسے کشمیریوں نے مسترد کر دیا ہے۔
رپورٹ میں کہا گیاہے کہ کشمیری سات دہائیوں سے بھارتی ریاستی دہشت گردی کا شکار ہیں کیونکہ بھارت کشمیریوں کو سزا دینے کے لیے ریاستی دہشت گردی کو سرکاری پالیسی کے طور پر استعمال کر رہا ہے۔ مودی حکومت کشمیریوں کی آزادی سلب کرنے کے لیے ہر طرح کے ظالمانہ ہتھکنڈے استعمال کر رہی ہے۔ رپورٹ میں افسوس کا اظہار کیا گیا کہ بھارت کی ہندوتوا حکومت نے مقبوضہ جموں وکشمیرمیں 5اگست 2019سے اپنی ریاستی دہشت گردی تیز کر دی ہے۔رپورٹ میں کہا گیا ہے کہ نئی دہلی متعدد کشمیردشمن اور سفاکانہ قوانین نافذ کرنے کے بعد منظم طریقے سے مقبوضہ علاقے میں نوآبادیاتی نظام کی راہ ہموار کر رہی ہے۔ رپورٹ میں انکشاف کیا گیا ہے کہ بھارتی فوجیوں نے ضلع پونچھ کے علاقے بفلیاز میں ٹارچر سینٹر میں 70بے گناہ شہریوں سے ظالمانہ اور غیر انسانی طریقے سے پوچھ گچھ کی اور ان میں سے تین کو شہید کیا جبکہ مودی کی سرپرستی میں چلنے والے میڈیا نے اسے اجاگر نہیں کیا۔ قبل ازیں جمعرات کو بھارتی مظالم کے خلاف فطری ردعمل کے طور پر کشمیری مجاہدین نے ضلع پونچھ کے علاقے بفلیازسرنکوٹ میں جھڑپ کے دوران پانچ بھارتی فوجیوں کو ہلاک اور تین کو زخمی کر دیاتھا۔ رپورٹ میں کہا گیا کہ بھارت کی روایتی ذہنیت مقبوضہ جموں وکشمیرمیں ہر کارروائی کا الزام پاکستان پر عائد کر رہی ہے جبکہ حق خودارادیت کے لئے کشمیریوں کی جدوجہد مقامی ہے اور اسے کوئی غیر ملکی حمایت حاصل نہیں ہے تاہم یہ واضح ہے کہ تنازعے کاایک فریق ہونے کے ناطے پاکستان سیاسی،سفارتی اوراخلاقی طور پرکشمیر کاز کی حمایت کرتا ہے۔ رپورٹ میں کہاگیا ہے کہ بی جے پی حکومت دفعہ370اور 35Aکو منسوخ کرنے کے بعد مقبوضہ جموں وکشمیرمیں ہندوتوا کے خطرناک منصوبے کو آگے بڑھانے کے لیے انتخابی حلقوں کی دوبارہ حد بندی کررہی ہے۔ رپورٹ میں بھارتی خفیہ ایجنسیوں کی طرف سے گزشتہ کئی سال سے انجام دی جارہی کارروائیوں کا حوالہ دیتے ہوئے کہا گیا ہے کہ2019میں پلوامہ حملہ، 2016میں اوڑی حملہ، پٹھانکوٹ ایئر بیس حملہ، سمجھوتہ ایکسپریس ٹرین دھماکے،حیدرآباد دکن میں مکہ مسجد بم دھماکے، 2008میں مالیگائوں کی مسجد میں ہونے والا دھماکہ اور 2008میں ممبئی حملے کے واقعات بھارتی خفیہ ایجنسیوں کی کارستانی تھے۔ رپورٹ میں کہا گیا ہے کہ بی جے پی حکومت مقبوضہ جموں و کشمیر میں اسرائیلی طرز پر نئی بستیاں قائم کر رہی ہے اور اس نے مقبوضہ جموں و کشمیر کو خصوصی حیثیت دینے والی بھارتی آئین کی دفعہ 370کو منسوخ کر کے کشمیر کو نوآبادی بنانے کی راہ میں حائل رکاوٹیں دور کر دیں۔ رپورٹ میں کہا گیا کہ بھارت نے غیر قانونی طور پر قوانین میں ترامیم کیں اور غیر کشمیریوں کو ریاستی شہریت ، زمینیں اور جائیدادیں خریدنے کی اجازت دی جو اقوام متحدہ کی قراردادوں کی خلاف ورزی ہے اور اس سے مقبوضہ جموں وکشمیر میں آبادی کے تناسب کو نقصان پہنچا۔ بھارت جموں و کشمیر میں بین الاقوامی قانون کی کھلی خلاف ورزی کر رہا ہے جو اقوام متحدہ کی سلامتی کونسل اور عالمی برادری کی طرف سے تسلیم شدہ ایک متنازعہ علاقہ ہے۔ مودی کی زیرقیادت بھارتی حکومت اپنی نوآبادیاتی سازشوں کے ذریعے جموں و کشمیر کے لوگوں سے باہمی بھائی چارہ چھیننے اور آر ایس ایس کے ہندوتوا ایجنڈے کو آگے بڑھانے کیلئے لوگوںمیں نفرت پیدا کرنے پر تلی ہوئی ہے۔مزید قومی خبریں
-
جمہوری اداروں کی مضبوطی کے لیے پیپلز پارٹی نے قربانیاں دی ہیں، مراد علی شاہ
-
کراچی سے چھینے جانے والا قیمتی فون افغانستان پہنچ گیا
-
تھرکول بلاک ون منصوبے کی تکمیل سے پہلے فیز میں 1320 میگاواٹ بجلی نیشنل گرڈ میں شامل کی جائی گی ناصرحسین شاہ
-
احاطہ کا تنازعہ ، ٹھیکہ کی رنجش ۔ دو زمینداروں کو چھریاں گولیاں مار دی گئیں
-
ٹنڈو محمد خان پولیس نے شراب کی بھٹی میں کارروائی کرکے کچی شرا ب برآمد کرلی ،ملزمان گرفتار
-
گورنرسندھ کی امید کی گھنٹی پر آنے والے سائلین سے ملاقات ، سائلین کے مسائل سنے اور موقع پر ہی حل کئے
-
بجٹ میں بزنس کمیونٹی کی تجاویز کو ترجیحی بنیادوں پر شامل کیا جائے گا، جام کمال خان
-
ایک ہفتہ کے دوران پیاز29،ٹماٹر24 اورآلو 22 روپے سستے ہوئے ہیں،عظمی بخاری
-
پاکستان کے تمام لوگ اور سیاسی جماعتیں فلسطین کے منصفانہ کاز کی حمایت کرتی ہیں، سینیٹر مشاہد حسین سید
-
حکومت نہ صرف بجلی کی قیمتوں میں کمی کرے بلکہ سولر پینل کے پیکجز بھی دے، ناصرشاہ
-
اپریل سندھ کی پارلیمانی تاریخ کا بہت اہم دن ہے، مراد علی شاہ
-
کراچی میں ادھار نہ دینے پر 60 سالہ دکان دار قتل
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.