سی ڈی اے افسر کو سیا سی جماعت کی حمایت میں ویڈیو بیان جاری کرنا مہنگا پڑ گیا

بدھ 27 دسمبر 2023 21:00

اسلام آباد (اُردو پوائنٹ اخبارتازہ ترین - این این آئی۔ 27 دسمبر2023ء) ایم سی آئی انتظامیہ نے سی ڈی اے آفیسرز ایسو سی ایشن کے عہدیدار کی جانب سے ایک سیا سی جماعت کی الیکشن میں بھرپور حمایت کے اعلان کی ویڈیو جاری کرنے کانو ٹس لے لیا ہے۔

(جاری ہے)

تفصیلات کے مطابق ڈائریکٹر ایمر جنسی اینڈ ڈیزاسٹر مینجمنٹ کے پی ایس ملک اختر محمود نے گزشتہ دنوں ایک ویڈیو بیان جاری کیا جس میں 8فروری کے الیکشن کے حوالے سے ایک سیا سی جماعت کی حمایت کا اعلان کیا اور سی ڈی اے ملازمین کو بھی ووٹ دینے کی ترغیب دی، ان کے اس بیان پر بعض حلقوں نے تحفظات کا اظہار کیا کیونکہ الیکشن کمیشن کے ضابطہ اخلاق اور ای اینڈ ڈی رولز کے تحت کوئی سر کاری ملازم سیا سی سر گر می میں حصہ نہیں لے سکتا۔

چیف افسر میونسپل کار پوریشن اسلام آ باد رانا وقاص انور نے ڈائریکٹر میو نسپل ایڈ منسٹریشن رائے یاسر فر ہاد کو انکوائری افسر مقرر کر کے 5دن میں معاملے کی تحقیقات کر کے رپورٹ پیش کرنے کا حکم دیا ہے۔