سوات ،قومی وطن پارٹی نے پی کے 5 اور این اے 2 پر امیر مقام کی حمایت کا اعلان کر دیا

پیر 29 جنوری 2024 20:20

سوات(اُردو پوائنٹ اخبارتازہ ترین - این این آئی۔ 29 جنوری2024ء) سوات میں قومی وطن پارٹی نے حلقہ پی کے 5 اور این اے 2 پر پاکستان مسلم لیگ ن کے امیدوار امیر مقام کی حمایت کا اعلان کر دیا۔

(جاری ہے)

اس حوالے سے قومی وطن پارٹی سوات کے چیئرمین شیر بہادر زادہ خان اور جنرل سیکرٹری رضاء اللہ ایڈوکیٹ نے مسلم لیگ ن کے صوبائی صدر اور این اے 2و پی کے 5کے امیدوار امیر مقام کے ہمراہ نیوزکانفرنس کرتے ہوئے کہا کہ قومی وطن پارٹی ن لیگ کے امیدوارکی غیر مشروط طورپر حمایت کااعلان کرتی ہے ۔

اس موقع پر قومی وطن پارٹی حلقہ پی کے 5 کے چیئرمین نعمت اللہ خان، جنرل سیکرٹرحیات اللہ خان جبکہ مسلم لیگ ن کے امیدواربرائے این اے 3 کے واجد علی خان اور دیگر پارٹی رہنما بھی موجود تھے ۔ اس موقع پر امیر مقام نے قومی وطن پارٹی کی قیادت کا شکریہ اداکیا اور اس عزم کا اعادہ کیا کہ وہ کامیابی کی صورت میں قومی وطن پارٹی کے کارکنوں کے اعتماد کو ٹھیس نہیں پہنچائیں گے ۔