ملک کے بیشتر علاقوں میں موسم سرد اور خشک جبکہ بالائی علاقوں میں شدید سردرہے گا، محکمہ موسمیات

ہفتہ 10 فروری 2024 21:29

اسلام آباد (اُردو پوائنٹ اخبارتازہ ترین - اے پی پی۔ 10 فروری2024ء) ملک کے بیشتر علاقوں میں موسم سرد اور خشک جبکہ بالائی علاقوں میں شدید سرد/ مطلع جزوی ابرآلودرہے گا۔ محکمہ موسمیات کے مطابق اس دوران شام/رات کے اوقات میں کشمیر میں تیز ہواؤں اورگرج چمک کے ساتھ ہلکی بارش اور پہاڑوں پر ہلکی برفباری ہو سکتی ہے۔

(جاری ہے)

شمال مشرقی پنجاب کے میدانی علاقوں میں بعض مقامات پر صبح کے اوقات میں ہلکی دھند پڑنے کا امکان ہے۔

رپورٹ کے مطابق گذشتہ 24 گھنٹوں کے دوران ملک کے بیشتر علاقوں میں موسم سرد اور خشک رہا۔ہفتہ کو ریکارڈ کیے گئے کم سے کم درجہ حرارت کی رپورٹ کے مطابق لہہ میں درجہ حرارت منفی 14، استور منفی9، اسکردو، کالام منفی8، گوپس منفی 7، گلگت منفی6، بگروٹ، ہنزہ اورسری نگر منفی میں 5 ڈگری سینٹی گریڈ ریکارڈ کیا گیا۔