جیتے ہوئے کو ہرانااور ہارے ہوئے کو جتوانا ملک کیلئے بہتر نہیں، قمر زمان کائرہ

اللہ کرے ملک میں مستحکم حکومت بنے، حلقے اور شہر سے پیار ہے، اپنی حیثیت میں لوگوں کی خدمت کرتا رہوں گا، رہنماء پیپلز پارٹی

ہفتہ 10 فروری 2024 22:54

جیتے ہوئے کو ہرانااور ہارے ہوئے کو جتوانا ملک کیلئے بہتر نہیں، قمر ..

گجرات(اُردو پوائنٹ اخبارتازہ ترین - این این آئی۔ 10 فروری2024ء) رہنماء پیپلز پارٹی قمرزمان کائرہ نے کہا ہے کہ جیتے ہوئے کو ہرانااور ہارے ہوئے کو جتوانا ملک کیلئے بہتر نہیں، اللہ کرے ملک میں مستحکم حکومت بنے، حلقے اور شہر سے پیار ہے، اپنی حیثیت میں لوگوں کی خدمت کرتا رہوں گا۔تفصیلات کے مطابق میڈیا سے گفتگو کرتے ہوئے رہنماء پیپلز پارٹی قمرزمان کائرہ نے کہا ہے کہ جس ماحول میں الیکشن ہوا ہے اور جو کچھ ہوا ہے یہ بہت افسوسناک اورتکلیف دہ ہے،جیتے ہوئے کو پیچھے کر دینا اور ہارے ہوئے کو آگے کر دینا ملک اور علاقے کیلئے بہتر نہیں ہے۔

انہوں نے کہا کہ مجھے لوگوںنے ووٹ نہیں دیا ، یہ عوام کا ری ایکشن تھا،اللہ کرے ملک میں استحکام آئے اور ایک مستحکم حکومت بن سکے۔

(جاری ہے)

انہوں نے کہا کہ میں نے ہمیشہ عوام کی خدمت کی ہے،مجھے اپنے حلقے اور شہر سے پیار ہے اپنی حیثیت میںجس قابل ہوا اپنے لوگوں کی خدمت کرتا رہوں گا۔انہوں نے کہا کہ اگر عوام مجھے منتخب کرتے تو حلقہ این اے 65 بہت ترقی کرتا۔انہوں نے کہا کہ عمران خان کو سزائیں عدالتوں نے دی ہیں، وہ عدالت میں اپیلوں میں جا کر اسے ختم کروا سکتے ہیں۔ انہوں نے کہا کہ ہم نے الیکشن سے قبل ہی کہہ دیا تھا کہ اتحادی حکومتیں بننے کا امکان ہے۔ ایک سوال پر انہوں نے کہا کہ مہنگائی پر ایک حد تک قابو پایا جاسکتا ہے مگر چیزوں کے ریٹ نیچے نہیں لائے جاسکتے۔