این اے 242 سے مصطفی کمال کو زبردستی کامیاب کرایا گیا، قادر خان مندوخیل

میرے حلقے میں حساس پولنگ اسٹیشنز تھے، کئی بار الیکشن کمیشن کو آگاہ کیا مگر انتظامات نہیں کئے گئے،رہنما پیپلزپارٹی

جمعرات 15 فروری 2024 22:43

کراچی (اُردو پوائنٹ اخبارتازہ ترین - این این آئی۔ 15 فروری2024ء) پی پی رہنما قادر خان مندو خیل نے الزام عائد کیا ہے کہ این اے 242 سے مصطفی کمال کو زبردستی کامیاب کرایا گیا، میرے حلقے میں ری پولنگ کی جائے۔تفصیلات کے مطابق الیکشن کمیشن میں انتخابی عذرداریوں کی درخواستیں دائر کرنے کا سلسلہ جاری ہے، پی پی رہنما قادر خان مندو خیل الیکشن کمیشن پہنچ گئے۔

(جاری ہے)

اس موقع پر قادر خان مندو خیل نے میڈیا سے گفتگو کرتے ہوئے کہا کہ این اے 242 سے مصطفی کمال کو زبردستی کامیاب کرایا گیا، میرے حلقے میں حساس پولنگ اسٹیشنز تھے، کئی بار الیکشن کمیشن کو آگاہ کیا مگر انتظامات نہیں کئے گئے۔پی پی رہنما نے الزام عائد کیا ایم کیو ایم شرپسندعناصرنے پولنگ اسٹیشن میں گھس کردھاندلی کی، میری استدعا ہے کہ میرے حلقے میں ری پولنگ کی جائے۔