آئندہ چوبیس گھنٹوں کے دوران پنجاب کے بیشتر شہروں میں بارش کا امکان

ہفتہ 17 فروری 2024 21:28

لاہور (اُردو پوائنٹ اخبارتازہ ترین - اے پی پی۔ 17 فروری2024ء) محکمہ موسمیات کے مطابق آئندہ چوبیس گھنٹوں کے دوران پنجاب کے بیشتر علاقوں میں موسم سرد رہے گا تاہم لاہور، قصور ،شیخوپورہ،گوجرانوالہ، حافظ آباد ،نارووال، سیالکوٹ،گجرات ،جھنگ ،فیصل آباد، سرگودھا، اوکاڑہ، ساہیوال اور منڈی بہاوالدین میں تیز ہواؤں اور گرج چمک کے ساتھ وقفے وقفے سے بارش کا امکان ہے ۔

(جاری ہے)

گزشتہ چوبیس گھنٹوں کے دوران پنجاب کے بیشتر علاقوں میں موسم سرد اور خشک رہا ۔محکمہ موسمیات کے ترجمان کے مطابق لاہور میں کم سے کم درجہ حرارت 12جبکہ زیادہ سے زیادہ 24سینٹی گریڈ ریکارڈ کیا گیا، ہوا میں نمی کا تناسب 50فیصد رہا،لا ہور میں آلودگی کی مجموعی شرح 178رہی،اسی طرح شہر کے دیگر علاقوں پو لو گراؤنڈ میں 194،فیز8ڈی ایچ اے 196،فدا حسین ہاؤس 226،فیز8ایوی گرین 209،ذکی فارمز 198اورپاکستان انجینئرنگ سروسزمیں 186ائیر کوالٹی انڈیکس ریکارڈ کیا گیا۔