سندھ اولمپک ایسوسی ایشن کے خزانچی مرحوم سید سعید جمیل کیلئے تعزیتی اجلاس کا انعقاد

جمعرات 7 مارچ 2024 23:07

کراچی (اُردو پوائنٹ اخبارتازہ ترین - اے پی پی۔ 07 مارچ2024ء) سندھ اولمپک ایسوسی ایشن کی ایمرجنٹ ایگزیکٹو کمیٹی میٹنگ میں سندھ اولمپک ایسوسی ایشن کے خزانچی مرحوم سید سعید جمیل کیلئے تعزیتی ریفرنس کا انعقاد کیا گیا۔ تعزیتی اجلاس میں مرحوم سید سعید جمیل کے ایصالِ ثواب کیلئے فاتحہ خوانی کی گئی ۔

(جاری ہے)

کے ایم سی سپورٹس کمپلیکس میں جمعرات کو منعقدہ تعزیتی ریفرنس سے خطاب کرتے ہوئے سندھ اولمپک ایسوسی ایشن کے سینئر نائب صدر انجینئر محفوظ الحق نے کہا کہ مرحوم سید سعید جمیل سابق مسٹر کراچی، مسٹر سندھ اور نیشنل چیمپئن بھی رہ چکے ۔

ریفرنس سے امتیاز شیخ، ثنا علی، تہمینہ آصف، آصف عظیم اور محمد تقی نے بھی خطاب کیا اور مرحوم کو زبردست خراج عقیدت پیش کیا۔ دریں اثناء ریفرنس میں اصغر بلوچ کو سندھ اولمپک ایسوسی ایشن کے خزانچی کی اضافی ذمہ داری بھی سونپ دی گئی۔