× شہباز شریف کو ملک کو بحران سے نکالنے کے لئے بانی پی ٹی آئی سمیت سب سے بات کرناہو گی،سابق وزیراعظم شاہد خاقان عباسی

پیر 11 مارچ 2024 22:20

ق اسلام آباد(اُردو پوائنٹ اخبارتازہ ترین - آن لائن۔ 11 مارچ2024ء) سابق وزیراعظم شاہد خاقان عباسی نے کہا ہے کہ شہباز شریف کو ملک کو بحران سے نکالنے کے لئے بانی پی ٹی آئی سمیت سب سے بات کرناہو گی ۔ موجودہ حکومت میں مسائل حل کرنے کی صلاحیت نہیں۔انہوں نے کہاآج ملک کو اتفاق کی ضرورت ہے۔

(جاری ہے)

نجی ٹی وی سے گفتگو کرتے ہوئے انہوں نے کہا کہ سیاسی انتشار رہا تو معاملات آگے نہیں بڑھیں گے ۔الیکشن پر انگلیاں اٹھ گئی ہیں، پریشان کن ماحول ہے ۔الیکشن سے متعلق سپریم کورٹ کے پاس ازخود نوٹس لینے کے اختیارات ہیں ۔انہوں نے کہا کہ ہم نے تاریخ سے کچھ نہیں سیکھا معاملات حل کرنا ہوں گے ۔وزیراعظم شہباز شریف کو ملکی مسائل کے حل کیلئے سب سے بات کرنا ہو گی۔