آئندہ چوبیس گھنٹوں کے دوران لاہور سمیت پنجاب کے بیشتر علاقوں میں موسم سرد اور خشک رہنے کا امکان

منگل 12 مارچ 2024 23:24

لاہور (اُردو پوائنٹ اخبارتازہ ترین - اے پی پی۔ 12 مارچ2024ء) محکمہ موسمیات نے پیشنگوئی کی ہے کہ آئندہ چوبیس گھنٹوں کے دوران صوبائی دارالحکومت لاہور سمیت پنجاب کے بیشتر علاقوں میں موسم سرد اور خشک رہنے کا امکان ہے۔ محکمہ موسمیات کے ترجمان کے مطابق گزشتہ روز پنجاب کے بیشتر شہروں میں مطلع جزوی طور پر ابرالود رہا تاہم لاہور اور ڈیرہ غازی خاں میں 2ملی میٹر بارش ریکارڈ کی گئی ۔

(جاری ہے)

لاہور میں کم سے کم درجہ حرارت 15جبکہ زیادہ سے زیادہ 27سینٹی گریڈ ریکارڈ کیا گیا، ہوا میں نمی کا تناسب 41فی صد رہا،لا ہور میں آلودگی کی مجموعی شرح 130رہی،اسی طرح شہر کے دیگر علاقوں فیز8 ایو ی گرین 172،ذکی فارمز184،لاہور امریکن سکول 141،یو ایس قونصلیٹ 152،شا ہراہ قائد اعظم 164،پاکستان انجینئرنگ سروسز 141،فداحسین ہاوس 160اور فیز 8 ڈی ایچ اے میں 175ائیر کوالٹی انڈیکس ریکارڈ کیا گیا۔