ایم کیو ایم پاکستان کا چالیسواں یوم تاسیس ملک بھر کی طرح میرپورخاص میں بھی روایتی جوش و جذبہ سے منایا گیا

عبید اللہ کوری منگل 19 مارچ 2024 15:50

میرپورخاص( اُردو پوائنٹ اخبارتازہ ترین۔ 19 مارچ2024ء ) ایم کیو ایم پاکستان کا چالیسواں یوم تاسیس ملک بھر کی طرح میرپورخاص میں بھی روایتی جوش و جذبہ سے منایا گیا۔اس موقع پر ایم کیو ایم پاکستان میرپورخاص ڈسٹرکٹ کے تحت ڈسٹرکٹ آفس پر منعقدہ جنرل ورکرز اجلاس سے خطاب کرتے ہوئے رکن ایس ٹی سی شفیق احمد نے کہا کہ پاکستان کی واحد طلبہ تنظیم نے ملک کی بڑی سیاسی طاقت کو جنم دیا۔

ڈسٹرکٹ انچارج خالد تبسم، ڈسٹرکٹ جوائنٹ انچارجز آفاق احمد خان، سلیم میمن نے کہا کہ چالیس برس قبل جو دیا جلایاگیا،آج اس کی روشنی ملک بھر میں پھیل چکی ہے۔

(جاری ہے)

پختہ سوچ و تجربہ اور لازوال اتحاد کے ساتھ منزل کی جانب سفر جاری ہے۔تحریکی شہداءاور اسیروں کی قربانیاں رائیگاں نہیں جانے دیں گے۔تحریک کے پیغام کو گھر گھر پہنچانے کا عزم کرتے ہیں۔

منظم و مربوط انداز میں نہ صرف مہاجروں بلکہ تمام مظلوم قومیتوں کے حقوق کا دفاع کریں گے۔ بعدازاں کیک کاٹا گیا اور کارکنان میں مٹھائیاں تقسیم کی گئیں۔اس موقع پر اراکین ڈسٹرکٹ کمیٹی، رکن مرکزی ڈیجیٹل میڈیا کمیٹی حاشر احمد خان، ایلڈرز ونگ، شعبہ خواتین، اے پی ایم ایس او سمیت یوسیز کے ذمہ داران و کارکنان اور حق پرست بلدیاتی نمائندوں نے کثیر تعداد میں شرکت کی۔