پاکستان رینجرز (سندھ) کا اسمگلنگ کی روک تھام کے لیے آپریشنز کا سلسلہ جاری

ہفتہ 23 مارچ 2024 22:09

کراچی (اُردو پوائنٹ اخبارتازہ ترین - آن لائن۔ 23 مارچ2024ء) پاکستان رینجرز (سندھ) کا اسمگلنگ کی روک تھام کے لیے آپریشنز کا سلسلہ جاری۔ پاکستان رینجرز (سندھ)، پولیس، اینٹی نارکوٹیکس فورس اورکسٹم انٹیلی جنس نے خفیہ معلومات کی بنیاد پر مشترکہ کاروائی کرتے ہوئے کراچی کے علاقے لانڈھی، نیشنل ہائی وے نزد گھگھر پھاٹک اور ملحقہ علاقوں میں مختلف مقامات پر کارروائیوں کے دوران 1700 لیٹر ایرانی ڈیزل، ایک عدد ٹینک، ایک عدد پیٹر، ایک عدد فیولنگ مشین، 1.220 کلو آئس، 8.600 کلو چرس، 6 عدد موبائل فونز، 7 عدد گاڑیوں کی نمبر پلیٹس اور 15عدد پاسپورٹ برآمد کر لیے گئے۔

(جاری ہے)

پاکستان رینجرز سندھ کی جانب سے منشیات کی روک تھام اور اسمگلنگ کے مکمل خاتمے تک آپریشن کا سلسلہ جاری رکھا جائے گا۔برآمد شدہ منشیات ANF جبکہ ایرانی تیل اور دیگر سامان مزید قانونی کاروائی کے لیے کسٹم حکام کے حوالے کر دیاگیا ہے۔#