بھارتی فوجیوں نے چھتیس گڑھ میں دوافراد کو ہلاک کردیا

منگل 26 مارچ 2024 13:42

رائے پور(اُردو پوائنٹ اخبارتازہ ترین - این این آئی۔ 26 مارچ2024ء) بھارت کی شورش زدہ ریاست چھتیس گڑھ میں بھارتی فوجیوں نے ایک تلاشی کارروائی کے دو افرادکو ہلاک کردیا ہے۔ کشمیر میڈیا سروس کے مطابق فوجیوں نے دعویٰ کیاکہ ہلاک ہونے والے ما ئونواز باغی تھے جوایک آپریشن کے دوران مارے گئے۔

(جاری ہے)

بھارتی فوج نے بتایاکہ چھتیس گڑھ کے دانتے واڑہ اوربیجاپور اضلاع کی سرحد پر مائونوازوں کی طرف سے نصب کردہ بارودی سرنگ کے دھماکے میں دو فوجیوں کے شدید زخمی ہونے کے بعد جوابی کارروائی میں دو مائو نواز باغی مارے گئے۔

دریں اثنا، چھتیس گڑھ کے ضلع بیجاپور میں تیز دھار والے ہتھیاروں سے لیس نامعلوم حملہ آوروں نے تین افراد کو ہلاک کر دیا۔ ایک پولیس افسرنے بتایا کہ یہ واقعہ باسا گوڈا پولیس اسٹیشن کے تحت آنے والے علاقے میں ایک سڑک پر پیش آیا، تاہم واقعے کے پیچھے وجوہات کا پتہ ابھی تک نہیں چل سکا۔