ئ*سلامتی کونسل میں غزہ جنگ بندی کی قرارداد کامنظور ہوناخوش آئند ہی:زاہد حبیب قادری

منگل 26 مارچ 2024 18:40

dلاہور (اُردو پوائنٹ اخبارتازہ ترین - آن لائن۔ 26 مارچ2024ء) پاکستان سنی تحریک کے مرکزی رہنما محمد زاہد حبیب قادری نے کہا ہے کہ اقوام متحدہ، سلامتی کونسل میں غزہ جنگ بندی کی قرارداد کامنظور ہوناخوش آئند ہے، جنگ بندی کی قرارداد میں امریکہ کا حصہ نہ لینا اسرائیل کی دہشت گردانہ کارروائیوں کی حمایت کے مترادف ہی ہے،سلامتی کونسل کی منظور کردہ قرارداد پر عمل درآمد کو یقینی بنانا اقوام متحدہ کی اولین ذمہ داری ہے، امریکہ غزہ میں فلسطینیوں کی نسل کشی کا تماشہ دیکھ رہا ہے،جنگ بندی کے اعلانات کے باوجود اسرائیل فورسز کا ہسپتالوں، پناہ گزینوں کے کیمپوں پر حملے جنگی جرائم ہیں، غزہ میں خوراک، ادویات کی قلت اور اسرائیلی فورسز کی جانب سے راستوں کی بندش اقوام متحدہ کی غیر جانبداری پر ایک سوالیہ نشان اٹھا رہی ہے، تعلیمی اداروں اور صحت کے مراکز پر وحشیانہ بمباری اور بربریت قائم کرنا پوری دنیا کے منہ پر زور دار طمانچہ ہے، اقوام متحدہ، او آئی سی، یورپی یونین،عرب لیگ، انسانی حقوق کی عالمی تنظیمیں اسرائیلی فورسز کے جنگی جرائم کا فوری نوٹس لیتے ہوئے اسرائیل کو ایک دہشت گردنریاست قراردیں۔