غزہ میں فلسطینی شہریوں کے قتل کے باعث اسرائیل تیزی کے ساتھ عالمی حمایت سے محروم ہو رہا ہے، ڈونلڈ ٹرمپ
بدھ 27 مارچ 2024 13:00
(جاری ہے)
انہوں نے کہا کہ اسرائیل نےاپنے اوپر حملہ کرنے والوں کے ساتھ جو کر نا ہے وہ کرے لیکن عام شہریوں کے خلاف فوجی کارروائیاں نہیں کرنی چاہیے اور اس وقت عالمی سطح پر اسرائیل کی حمایت میں کمی صورت میں جو رد عمل سامنے آرہا ہے ، اسرائیل کے اسی عمل کا نتیجہ ہے۔
انہوں نے کہا کہ اسرائیل اپنے اقداما ت سے خود کو سخت گیر ثابت کرنا چاہتا ہے لیکن ہر موقع پر ایسا کرنا درست نہیں ہوتا۔ ڈونلڈ ٹرمپ نے اسرائیلی وزیر اعظم بنجمن نیتن یاہو پر زور دیا کہ وہ غزہ میں جنگ کو تیزی سے انجام تک پہنچائیں ۔ انہوں نے کہا کہ اسرائیل بین الاقوامی سطح پر بہت تیزی سے حمایت کھو رہا ہے۔انہوں نے کہا کہ جنگ جس قدر طویل ہو گی ، دنیا کو غزہ کے حالات سے اسی قدر زیادہ آگاہی حاصل ہوتی جائے گی اور اس کے نتیجے میں اسرائیل کے لئے عالمی برادری کی حمایت میں اسی قدر کمی آئے گی۔ انہوں نے کہا کہ غزہ میں اسرائیلی اقدامات کی وجہ سے امریکا کے اندر بھی اسرائیل کی حمایت میں کمی آئی ہے۔ انہوں نے کہا کہ موجودہ امریکی صدر جو بائیڈن اسرائیل کے دوست نہیں ہین ۔ اسرائیل پر حملہ اس لئے ہو اکہ یہ حملہ کرنے والوں کوصدر جو بائیڈن کی کوئی پرواہ نہیں تھی۔ اگر وہ (ڈونلڈ ٹرمپ )صدر ہوتے تو اسرائیل پر حملہ نہ ہوتا۔ انہوں نے بتایا کہ اسرائیل کی خاطر انہوں نے دنیا بھر کے 47 ممالک سے ذاتی طور پر رابطے کئے اور ان کو ایران کے ساتھ بزنس نہ کرنے کو کہا اور خبردار کیا کہ ایران کے ساتھ بزنس کرنے کی صورت میں وہ امریکا کے ساتھ کوئی بزنس نہیں کر سکیں گے۔ ڈونلڈ ٹرمپ نے دعویٰ کیا کہ ان سب ممالک نےان کی بات مان لی اور اس کے نتیجہ میں ایران کا تیل کا بزنس تقریباً ختم ہو گیا لیکن اب جبکہ وہ صدر نہیں ایران کا تیل کا بزنس جاری ہے اور وہ نہ صرف اس سے کئی سو ارب ڈالر کما رہا ہے بلکہ اس کا اثر و رسوخ عراق تک بھی پھیل چکا ہے۔ ایک سوال میں انہوں نے کہا کہ ایران کو جوہری اسلحہ کے حصول کی اجازت نہیں دی جا سکتی ۔ واضح رہے کہ اپنی صدارت کے دوران ڈونلڈ ٹرمپ اسرائیلی وزیر اعظم بنجمن نیتن یاہو کے قریبی اتحادی تھے، اور انہوں نے خود کو تاریخ کا سب سے زیادہ اسرائیل نواز امریکی صدر قرار دیا تھا ۔ انہوں نےبنجمن نیتن یاہو کی درخواست پر ایران پر پابندیاں عائد کی تھیں، اسرائیل میں امریکی سفارت خانہ مغربی بیت المقدس منتقل کیا تھا ، اور ابراہیم معاہدے کی ثالثی کی جس سے بحرین، متحدہ عرب امارات، مراکش اور سوڈان کے ساتھاسرائیل کے تعلقات بحال ہوئے تھے۔ڈونلڈ ٹرمپ اور بنجمن نیتن یاہو کے درمیان تعلقات اس وقت خراب ہوئے جب نیتن یاہو نے 2020 میں ٹرمپ کے خلاف کی انتخابی فتح پر ان کے حریف جو بائیڈ ن کو مبارکباد دی۔ اس کے بعد ڈونلڈ ٹرمپ نے دعویٰ کیا کہ گزشتہ سال اکتوبر میں اسرائیل پر حملہ اسرائیلی وزیر اعظم بنجمن نیتن یاہو کے خفیہ اداروں کی ناکامی کا نتیجہ تھا۔مزید بین الاقوامی خبریں
-
بنگلادیش کو تاریخ کے شدید ترین ہیٹ ویو کا سامنا
-
طیارے کے ٹوائلٹ میں لڑکی کی ویڈیو بنانے پرفلائٹ اٹینڈنٹ برطرف
-
امریکہ میں الٹی چلنے والی گاڑی سوشل میڈیا پر وائرل
-
امریکا میں شرح پیدائش کم ترین سطح پرآگئی
-
تصویر کو شاعری میں بدلنے والا کیمرا ایجاد کرلیا گیا
-
بھارت،اسپتال میں بچے کی پیدائش کا بڑا بل، ماں نے بچہ فروخت کردیا
-
جاپان کے جزائر بونین میں 6.9 شدت کا زلزلہ
-
سید ندیم رضا سرور کو آسڑیلیا میں لانگ ٹائم سروس ایوارڈ دیا گیا
-
60 سالہ خاتون نے مس بیوٹی کوئین کا خطاب جیت لیا
-
غزہ میں 37 ملین ٹن ملبے کا اندازہ، صفائی میں 14 سال لگیں گے، اقوام متحدہ
-
بھارت ، خاتون کی ناک کی کیل کا پیچ ڈھیلا ہوکرپھیپھڑے میں چلا گیا
-
جنگ بندی تجاویز پر اسرائیلی ردعمل موصول ہوا ہے،حماس
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.