ڈی ایچ اے شہید بینظیر آباد 5 اے سائیڈ رمضان ہاکی لیگ نواب شاہ لائینز نے جیت لی

سنسنی خیز مقابلے میں عسکری ہاکی اکیڈمی کو دو ایک سے شکست

شہباز علی اسدی جمعہ 29 مارچ 2024 17:05

نوابشاہ(اردو پوائنٹ اخبارتازہ ترین۔29 مارچ2024 ء) فرسٹ ڈی ایچ اے شہید بینظیر آباد 5 اے سائیڈ رمضان ہاکی لیگ 2024 کا فائنل میچ عسکری ہاکی اسٹیڈیم نواب شاہ کی فلڈ لائٹس میں نواب شاہ لائینز اور عسکری ہاکی اکیڈمی کے مابین کھیلا گیا جس کھیل کے مہمان خاص چیف پیٹرن ڈسٹرکٹ ہاکی ایسوسی ایشن طارق علی سولنگی ،صدر ڈی ایچ اے میئر نوابشاہ قاضی محمد رشید بھٹی تھے۔

جبکہ اس ایونٹ کے فائنل میچ کے بطور مہمانِ خصوصی روٹری انٹرنیشنل کے سابق ڈسٹرکٹ گورنر سید تہذیب الحسن کاظمی تھے۔

(جاری ہے)

فائنل میچ انتہائی دلچسپ اور سنسنی خیز رہا۔ مقررہ وقت تک میچ ایک ایک گول سے برابر رہا۔اضافی وقت میں بھی دونوں ٹیمز نے جارہانہ کھیل پیش کیا مگر سینئیر پلئیر عاشق علی کے بہترین پاس پر ایوب راجی نے خوبصورت گول کرکے عسکری ہاکی اکیڈمی کی امیدوں پر پانی پھیر دیا اور میچ ایک گول کے مقابلے میں دو گولز سے جیت کر چیمپئن شپ اپنے نام کی۔آخر میں مہمانِ خصوصی سید تہذیب الحسن کاظمی نے ونر ٹرافی کیپٹن راؤ حذیفہ اور رنر ٹرافی آفتاب کو دی۔میچ کو سینئیر امپائر سید غفران بخاری نے سپروائز کیا۔