عوام کے منتخب نمائندے ،عوامی مشکلات سننا ،حل کرنا ہماری ذمہ داری ہے ،وزیر اعلی بلوچستان

منگل 2 اپریل 2024 22:27

کوئٹہ(اُردو پوائنٹ اخبارتازہ ترین - این این آئی۔ 02 اپریل2024ء) وزیر اعلی بلوچستان سرفراز بگٹی نے تمام حکومتی اراکین کو عوام کے مسائل کو صبر و تحمل سے سننے کی ہدایت کرتے ہوئے کہا ہے کہ عوام کے منتخب نمائندے ہیں عوامی مشکلات کو سننا اور حل کرنا ہماری ذمے داری ہے ہمیں عوامی مسائل کو حل کرنے کا مینڈیٹ ملا ہے۔یہاں جاری ہونے والے ایک بیان میں وزیراعلیٰ نے کہا کہ عوام کا اعتماد ریاست اور اسکے نظام پر بحال کرنا ہماری ذمہ داری ہے جہاں حکومت غلطی کریگی عوام سے معذرت کریگی۔

(جاری ہے)

انہوں نے کہا کہ خدمت بہتری ہمارا موٹو ہے غلطی کرسکتے ہیں بدنیتی اور بددیانتی نہیںپاکستان کی سیاست میں اور بالخصوص پیپلزپارٹی کیلئے خواتین کا احترام سب سے زیادہ ہے۔ میر سرفراز بگٹی نے کہا کہ پارٹی کی قیادت دو خواتین محترمہ نصرت بھٹو اور بی بی بے نظیر بھٹو شہید نے کی،بلوچستان کی جامعات ہوں یا صوبے کی گورننس کے مسائل انکے حل کیلئے عوامی مدد درکار ہوگی جامعات کا مالی بحران حل کریں گے تاہم اس کی وجوہات کا تعین بھی کریں گے۔انہوں نے کہا کہ یونیورسٹی آف بلوچستان میں مالی بے ضابطگیوں کا احتساب کیا جائے گاجامعہ بلوچستان میں گھوسٹ ملازمین کا مسئلہ بھی سنجیدہ نوعیت کا ہے کوئی بھی سرکاری یا خود مختار اتھارٹی احتساب سے مبرا نہیں۔