گلگت بلتستان میں پاک فوج کا کامیاب ہیلی ریسکیو مشن

پاک فوج نے ہیلی کاپٹر کے ذریعے نور محمد نامی 65 سالہ بیمار شخص کو قمری سے منی مرگ منتقل کر دیا

بدھ 3 اپریل 2024 21:39

راولپنڈی (اُردو پوائنٹ اخبارتازہ ترین - آن لائن۔ 03 اپریل2024ء) گلگت بلتستان میں پاک فوج کا کامیاب ہیلی ریسکیو مشن، گلگت بلتستان میں پاک فوج نے ہیلی کاپٹر کے ذریعے نور محمد نامی 65 سالہ بیمار شخص کو قمری سے منی مرگ منتقل کر دیا۔

(جاری ہے)

نور محمد فالج کے مریض ہیں جو سڑکیں بند ہونے کی وجہ سے علاج کی سہولت سے محروم تھے، اس وقت نور محمد کا علاج منی مرگ آرمی میڈکل کیمپ میں جاری ہے، جلد ہی نور محمد کو گلگت بلتستان کے ہسپتال منتقل کردیا جائے گا، کٹھن ایویکوایشن مشن کی کامیابی پر زیر علاج مریض کے اہل خانہ نے پاک فوج کا تہہ دل سے شکریہ ادا کیا اور فوج کی بے لوث قربانیوں کو خوب سراہا، شہری عبدالرشید کا کہنا تھا کہ دو دن پہلے جب ہمارے مریض کو اٹیک ہوا تو منی مرگ ہسپتال جانے کے تمام راستے بند تھے، ہم نے پاک فوج سے رابطہ کیا تو انہوں نے بروقت ہمارے مریض کو ہسپتال پہنچایا، ہم پاک فوج کا شکریہ ادا کرتے ہیں جنہوں نے ہر لمحہ ہمارا ساتھ دیا اور اس مشکل وقت میں مدد کی۔