وزیراعلیٰ مریم نواز کی ایئرپورٹ آمد، غزہ کیلئے امدادی سامان روانہ

پیر 15 ستمبر 2025 21:16

لاہور(اُردو پوائنٹ اخبارتازہ ترین - آن لائن۔ 15 ستمبر2025ء) وزیراعلیٰ پنجاب مریم نواز شریف لاہور ایئرپورٹ پہنچیں اور غزہ کے عوام کے لیے امدادی سامان روانہ کیا۔ پاکستان کی جانب سے اہل غزہ کے لیے 100 ٹن خوراک بھجوائی جا رہی ہے جس میں 32 مختلف فوڈ آئٹمز شامل ہیں۔

(جاری ہے)

اس موقع پر وزیراعلیٰ مریم نواز شریف نے کہا کہ پاکستان کے عوام کے دل فلسطینی بھائیوں کے ساتھ دھڑکتے ہیں۔ غزہ کے بے گناہ مسلمانوں پر مظالم سے ہر حساس دل مضطرب ہے۔انہوں نے مزید کہا کہ امدادی سامان دراصل اہل پاکستان کی طرف سے غزہ کے عوام کے لیے محبت اور یکجہتی کا پیغام ہے۔ پاکستان ہمیشہ فلسطینی عوام کے ساتھ کھڑا رہا ہے اور یہ حمایت آئندہ بھی جاری رہے گی۔