ملک کے بالائی علاقوں میں چند مقامات پر تیز ہواؤں اور گرج چمک کے ساتھ بارش کا امکان ہے، محکمہ موسمیات

منگل 9 اپریل 2024 20:23

اسلام آباد (اُردو پوائنٹ اخبارتازہ ترین - اے پی پی۔ 09 اپریل2024ء) ملک کے بالائی علاقوں میں چند مقامات پر تیز ہواؤں اور گرج چمک کے ساتھ بارش کا امکان ہے۔

(جاری ہے)

محکمہ موسمیات کے مطابق (کل )بدھ کو ملک کے بیشتر علا قوں میں موسم خشک اور بالائی علاقوں میں مطلع جزوی ابر آلود رہے گاتاہم شام/رات میں خیبر پختونخوا ،گلگت بلتستان ، کشمیر اور خطہ پوٹھوہار میں تیز ہوائیں /جھکڑ چلنے اور گرج چمک کے ساتھ بارش کا امکان ہے۔ گذشتہ 24 گھنٹوں کے دوران ملک کے بیشتر علاقوں میں موسم خشک جبکہ جنوبی علاقوں میں گرم رہا۔اس دوران زیادہ سے زیادہ درجہ حرارت شہید بینظیر آباد ،پڈعیدن 43، سکرنڈ ،رحیم یار خان، موہنجوداڑو، خانپور اور دادو میں42ڈگری سینٹی گریڈ ریکارڈ کیا گیا۔