خبردار! گرمی کی لہر،لاکھوںایشیائی بچوں کی زندگیوں کو خطرہ
مشرقی ایشیا اور پیسیفک میں گرمی کی پے درپے زبردست لہر سے لاکھوں بچے خطرے میں پڑ سکتے ہیں،اقدامات ضروری ہیں سال 2024 اب تک کا گرم سال ثابت ہورہا ہے، جسکی وجہ ماحولیاتی شدت اور گرین ہاؤس گیس کی بڑھتی ہوئی تابکاری ہے مشرقی ایشیا اور پیسیفک میں رہنے والے 24 کروڑ 30 لاکھ سے زائد بچے مستقبل میں گرمی سے متاثر ہوسکتے ہیں،اقوا م متحدہ
جمعہ 12 اپریل 2024 10:25
(جاری ہے)
عالمی ایجنسی نے مزید کہا کہ خطے کے بہت سے ممالک پہلے سے سخت گرمی کا سامنا کررہے ہیں اور درجہ حرارت 40 ڈگری سے زیادہ اور تاریخی سطحوں پر جارہا ہے، آنے والے ہفتوں میں اس رجحان میں مزید اضافے کا اندیشہ ہے۔
اس غیر معمولی صورتحال میں فلپائن کے کچھ اسکولوں نے فزیکل کلاسز معطل کرنے کا اعلان کیا ہے، اعلان ادارہ موسمیات کے انتباہ کے بعد کیا گیا جس میں بتایا تھا گیا کہ درجہ حرارت 42 یا 43 سینٹی گریڈ تک بڑھ سکتا ہے۔اس سے قبل تھائی لینڈ کے ایک صوبے میں 43.5 درجہ حرارت ریکارڈ کیا گیا، جو کہ تاریخی سطح 44.6 سینٹی گریڈ سے کچھ ہی دور تھا، تھائی وزارت صحت کے مطابق گرمی سے متعلق بیماریوں سے ہر سال 40 کے قریب لوگ اپنی جانوں سے ہاتھ دھو بیٹھتے ہیں۔اسی طرح تھائی لینڈ کے پڑوس میں واقع ویت نام میں بھی غیر معمولی 38 ڈگری سینٹی گریڈ درجہ حرارت ریکارڈ کیا گیا۔یونیسف نے اپنی رپورٹ میں مزید کہا کہ بچے اپنے جسم کا درجہ حرارت ریگولیٹ نہیں کرپاتے لہذا وہ زیادہ بڑے خطرے سے دوچار ہوتے ہیں۔یونیسیف کے ریجنل آفس برائے ایسٹ ایشیا اور پیسیفک کی ڈائریکٹر ڈیبرا کومنی کے مطابق زیادہ گرمی بچوں کے لیے جان لیوا ثابت ہوسکتی ہے۔ڈیبرا کومنی نے مزید بتایا کہ اس قدر شدید گرمی جسم کو ٹھنڈا رکھنے والے قدرتی نظام کو کام کرنے نہیں دیتی۔ان کا یہ بھی کہنا تھا کہ آنے والی گرمیوں اور دیگر ماحولیتی تبدیلیوں میں خبردار رہنے کی ضرورت ہے تاکہ بچوں اور دیگر کمزور طبقوں کو بچایا جاسکے۔اقوام متحدہ کا ماننا ہے کہ 2050 تک 2 ارب بچوں کو گرمی کی لہر کا سامنا کرنا پڑسکتا ہے۔متعلقہ عنوان :
مزید بین الاقوامی خبریں
-
سعودی عرب، جدہ، مدینہ اور رابغ میں اسکول بند
-
ایلون مسک کی چینی وزیراعظم لی کیانگ سے ملاقات
-
سعودی ولی عہد سے کویتی، عراقی وزیر اعظم کی ملاقات
-
پیاراندھا ہوتا ہے، نوجوان نے روبوٹ سے شادی کرنے کا اعلان کر دیا
-
ٹورنٹو میں یوم خالصہ کی تقریب ،کینیڈین وزیر اعظم جسٹن ٹروڈو نے بھی شرکت کی
-
سعودی ریلوے میں ضوابط کی خلاف ورزیاں، 20 ہزار ریال تک جرمانے کی تجویز
-
وائٹ ہائوس کی میڈیا نمائندگان کیلئے تقریب کے دوران فلسطینیوں کے حق میں مظاہرہ
-
دبئی، 35 ارب ڈالر کی لاگت سے آل مکتوم انٹرنیشنل ایئرپورٹ کی توسیع کا آغاز
-
کیٹ مڈلٹن کی بہن کو جلد ہی رائل ٹائٹل ملنے کا امکان
-
رفح پر امکانی اسرائیلی حملہ ، اسرائیل امریکہ کو اعتماد میں لے گا ، جان کربی
-
برطانیہ، پناہ گزینوں کیخلاف آپریشن آئندہ ہفتے شروع ہوگا
-
ٹک ٹاک کاایک بار پھر امریکا میں اپنی ایپ بیچنے سے انکار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.