ہمارے آج کے حالات کی وجہ اسلام آباد میں بیٹھے بابوؤں کی کم عقلی ہے، صدر مملکت

محترمہ نے مجھے پارٹی چیئرمین بنایا تودوستوں کو شک تھا کہ میں یہ ذمہ اداری ادا نہیں کرسکوں گا، آصف علی زر داری

اتوار 14 اپریل 2024 21:05

گڑھی خدا بخش (اُردو پوائنٹ اخبارتازہ ترین - این این آئی۔ 14 اپریل2024ء) صدر مملکت آصف زرداری نے کہا ہے ہمارے آج کے حالات کی وجہ اسلام آباد میں بیٹھے بابو کی کم عقلی ہے، ضروری نہیں کہ پاکستان غریب ملک رہے، پاکستان کو اسلام آباد میں بیٹھے بابوؤں کی سوچ نے غریب بنارکھا ہے۔انہوں نے بانی پاکستان پیپلز پارٹی، سابق وزیر اعظم ذو الفقار بھٹو کی برسی کے سلسلے میں منعقدہ جلسے سے خطاب کرتے ہوئے کہا کہ آج تاریخ میں بے نظیر بھٹو بول رہی ہیں، محترمہ نے مجھے پارٹی چیئرمین بنایا تودوستوں کو شک تھا کہ میں یہ ذمہ اداری ادا نہیں کرسکوں گا، محترمہ کو یقین تھا کہ میں اپنی پارٹی چیئرمین کی ذمہ داری پوری ادا کروں گا۔

آصف زرداری نے کہا کہ پیپلزپارٹی 40 سال سے عوام کیلیے لڑ رہی ہے، عوام اور کارکنوں کی طاقت سے جیلیں کاٹیں،کوئی بھی قدم اٹھانے سے قبل ہمیں سوچنا سمجھنا پڑتا ہے، ہر کام کرنے سے پہلے سوچتا ہوں کہ اس سے ملک، عوام کو نقصان نہ ہو، ہمیں سوچ سمجھ کر آگے بڑھنے ہوگا تاکہ ملک کو نقصان نہ ہو۔

(جاری ہے)

انہوں نے کہا کہ پہلی بار بھی کارکنان کی طاقت سے صدر بنا تھا، اب بھی آپ ہی کی طاقت سے صدرمملکت بناہوں، بی بی شہید جو فرض چھوڑ کرگئی وہ ادا کر دیا گیاہے۔صدر مملکت آصف زرداری نے کہا ہمارے آج کے حالات کی وجہ اسلام آباد میں بیٹھے بابو کی کم عقلی ہے، ضروری نہیں کہ پاکستان غریب ملک رہے، پاکستان کو اسلام آباد میں بیٹھے بابوؤں کی سوچ نے غریب بنارکھا ہے۔