مافوق الفطرت واقعہ، امارات کے آسمان پر سبز بادل نمودار

سبز بادل سپر کلائوڈ کی ایک قسم اور موسم کے شدید مظاہر میں سے ایک ہے،رپورٹ

بدھ 17 اپریل 2024 11:38

مافوق الفطرت واقعہ، امارات کے آسمان پر سبز بادل نمودار

دبئی(اُردو پوائنٹ اخبارتازہ ترین - این این آئی۔ 17 اپریل2024ء) متحدہ عرب امارات روئرنگ ڈپریشن نامی فضائی افسردگی کا سامنا کر رہا ہے جو کہ تیز بارشوں کی وجہ سے پیدا ہونے والا مظہر ہے۔ اس کے ساتھ دبئی شہر کے آسمان پر جبل علی کے علاقے میں سبزبادل نمودار ہوئے۔ اس کے ساتھ گرج چمک اور شدید بارش ہوئی۔

(جاری ہے)

عرب ٹی وی کے مطابق سبز بادل سپر کلائوڈ کی ایک قسم ہے اور موسم کے شدید مظاہر میں سے ایک ہے جو بہت خاص حالات میں ہوتا ہے اور دن کو رات میں بدل دیتا ہے۔

یہ بادل بالائی ماحول میں نمایاں نمی کی موجودگی اور سرد اور گرم مرطوب دو قسم کے ہوا کے دھاروں کی بھی نشاندہی کرتا ہے۔ماہرین کے مطابق اس کا سبز رنگ اس میں پانی کی کثرت کی نشاندہی کرتا ہے۔ اس کے ساتھ اس پر سورج کی شعاعوں کا انعکاس ہوتا ہے جو اسے سبز گھاس دار رنگ میں بدل دیتا ہے۔چھیدنے والے سبز بادل کے ساتھ کبھی کبھی بھاری اولوں کی بارش ہوتی ہے، جن میں سے کچھ کا قطر 7 سینٹی میٹر تک پہنچ سکتا ہے۔