اڈیالہ جیل پر دہشتگردوں کے حملے کا خدشہ ہے ،وزارت داخلہ

دشمن عناصر ملک میں افراتفری اور انارکی پھیلنا چاہتے ہیں، سندھ ہائی کورٹ میں رپورٹ جمع

جمعرات 18 اپریل 2024 20:41

کراچی(اُردو پوائنٹ اخبارتازہ ترین - آن لائن۔ 18 اپریل2024ء) وزارت داخلہ نے راولپنڈی میں اہم شخصیات ،حساس اداروں اور اڈیالہ جیل پر دہشتگردوں کے حملے کا خدشہ ظاہر کر دیا ،سندھ ہائیکورٹ میں اڈیالہ جیل میں بانی پی ٹی آئی کو سیکورٹی فراہمی کیس میں وفاقی وزارت داخلہ نے اپنے جواب میں کہا کہ انٹیلی جنس رپورٹ کے مطابق دہشتگردوں کا پہلا ٹارگٹ راولپنڈی ہے۔

(جاری ہے)

رپورٹ کے مطابق یہ دہشتگردی دشمن ممالک کی ایجنسیاں اورکالعدم گروپس کامنصوبہ ہے، پاکستان دشمن عناصر ملک میں سیاسی افراتفری اور انارکی پھیلنا چاہتے ہیں۔