پارلیمنٹ کا مشترکہ اجلاس

مدعو کئے گئے اعلیٰ ریاستی مہمانوں کی اکثریت نہ آئی،سیاست سے دور رہنے کی وجہ سے چیف جسٹس پاکستان، تینوں سروسز چیف مشترکہ اجلاس میں نہ آئے

جمعرات 18 اپریل 2024 21:48

اسلام آباد(اُردو پوائنٹ اخبارتازہ ترین - آن لائن۔ 18 اپریل2024ء) پارلیمنٹ کا مشترکہ اجلاس، مدعو کئے گئے اعلیٰ ریاستی مہمانوں کی اکثریت نہ آئی،سیاست سے دور رہنے کی وجہ سے چیف جسٹس پاکستان، تینوں سروسز چیف مشترکہ اجلاس میں نہ آئے۔پنجاب،سندھ، خیبرپختونخوا کے وزرائے اعلیٰ، چاروں گورنرز بھی مشترکہ اجلاس میں شامل نہ ہوئے۔

(جاری ہے)

وزیر اعلیٰ گلگت بلتستان، وزیراعظم آذاد جموں و کشمیر بھی اجلاس کی کارروائی دیکھنے نہ آئے۔

صدر مملکت آصف علی زرداری کی تقریر حسب روایت شور و غل کا شکار رہی۔اپوزیشن نے صدر مملکت کی تقریر کے دوران خوب احتجاج، شور شرابا کیا۔تقریر کے دوران پیپلز پارٹی، سنی اتحاد کونسل اراکین کے درمیان دھکم پیل بھی ہوئی۔تقریر کے دوران پی ٹی آئی کے جمشید دستی سیٹیاں، باجے بجاتے رہے۔