ملک میں ایک بار پھر جان بچانے والی دوائوں کی قلت

ملک میں دوائوں کی کوئی قلت نہیں ہے سپلائی چین کے ایشوز ہو سکتے ہیں، ڈریپ حکام کا دعویٰ

جمعہ 26 اپریل 2024 16:35

کراچی(اُردو پوائنٹ اخبارتازہ ترین - این این آئی۔ 26 اپریل2024ء) ملک میں ایک بار پھر جان بچانے والی مارکیٹ میں دستیاب نہیں ہے۔تفصیلات کے مطابق کراچی سمیت ملک بھر میں ایک بار پھر مختلف اقسام کی انسولین سمیت دیگر دوائیں مارکیٹ میں دستیاب نہیں ہے، دوائوں کی قلت کے باعث مختلف امراض میں مبتلا مریضوں کو مشکلات کا سامنا ہے۔ڈرگ انسپکٹرز نے انکشاف کیا ہے کہ کراچی میں انسولین سمیت 27 دوائیں اسٹورز پر دستیاب نہیں، جس کے بعد سندھ کے ڈرگ انسپکٹرز کو عدم دستیاب ادویات کا سروے کرنے کا حکم دے دیا گیا۔

سیکرٹری صوبائی ڈرگ کوالٹی کنٹرول بورڈ سندھ سید عدنان رضوی نے ڈرگ ریگولیٹری اتھارٹی آف پاکستان(ڈریپ)کو خط لکھا ہے جس میں کراچی میں ہونے والی دواں کی قلت سے متعلق آگاہ کیا ہے۔

(جاری ہے)

حکام کا اس حوالے سے مزید کہاکہ اسلام آباد اور گرد و نواح میں بھی 30 اہم دوائیں مارکیٹ میں دستیاب نہیں ہے جس میں اینٹی بائیوٹکس، نفسیاتی و دماغی امراض، دمے کی دوائیں شامل ہیں، جبکہ ٹیٹنس کے انجکشن اور مختلف اقسام کے انہیلرز کی شدید قلت ہے۔دوسری جانب ڈریپ حکام نے یہ دعوی کیا ہے کہ ملک میں دوائوں کی کوئی قلت نہیں ہے سپلائی چین کے ایشوز ہو سکتے ہیں، ہفتہ وار بنیاد پر دواں کی موجودگی کا سروے کراتے ہیں، انسولین وافر مقدار میں موجود ہے اور دستیاب ہے۔