ڈسٹرکٹ الیکشن کمشنر خوشاب اصغر علی ڈاہا ریٹائرڈ ہوگئے

مقامی ہوٹل میں ایک تقریب منعقد ہوئی جہاں ان کی 41 سالہ خدمات کو سراہا گیا

عرفان فیروز اعوان جمعہ 3 مئی 2024 17:18

خوشاب(اردو پوائنٹ اخبارتازہ ترین۔03 مئی 2024 ء) ڈسٹرکٹ الیکشن کمشنر اصغر علی ڈاہا اپنی مدت ملازمت مکمل ہونے پر ریٹائرڈ ہوگئے ۔ ان کے اعزاز میں مقامی ہوٹل میں ایک تقریب منعقد ہوئی جہاں ان کی 41 سالہ خدمات کو سراہا گیا۔

(جاری ہے)

تقریب میں ڈاکٹر غوث محمد نیازی ، ایڈیشنل ڈپٹی کمشنر جنرل قاضی احمد صہیب ، اے ڈی سی آر امیر تیمور ، ڈسٹرکٹ الیکشن کمشنر سرگودہا غلام عباس ، سی ای او ایجوکیشن خوشاب سمیت الیکشن کمیشن آفس کے عملے نے شرکت کی۔ قبل ازیں ڈپٹی کمشنر آفس میں بھی ایک تقریب منعقد ہوئی جہاں ڈپٹی کمشنر ذیشان شبیر رانا نے اصغر علی ڈاہا کو اپنی سروس مکمل کرنے پر مبارکباد دی اور حالیہ الیکشن میں ان کی خوشاب میں محنت اور پیشہ وارانہ مہارتوں کو سراہا۔