ملک کے بالائی علاقوں میں چند مقا مات پرتیز ہوائیں/ جھکڑ چلنے اور گرج چمک کے ساتھ بارش کا امکان ہے، محکمہ موسمیات

بدھ 8 مئی 2024 23:06

اسلام آباد (اُردو پوائنٹ اخبارتازہ ترین - اے پی پی۔ 08 مئی2024ء) ملک کے بالائی علاقوں میں چند مقا مات پرتیز ہوائیں/ جھکڑ چلنے اور گرج چمک کے ساتھ بارش کا امکان ہے۔

(جاری ہے)

محکمہ موسمیات کے مطابق (کل ) جمعرات کو ملک کے بیشترعلاقوں میں موسم گرم اور خشک جبکہ وسطی اورجنوبی علاقوں میں شدید گرم رہنے اور بعداز دوپہر تیز /گرد آلود ہوائیں چلنے کا امکان ہے تاہم شام /رات کے دوران شمالی بلوچستان ،بالائی خیبر پختونخوا، کشمیراور ملحقہ پہاڑی علاقوں میں چند مقا مات پرتیز ہوائیں/ جھکڑ چلنے اور گرج چمک کے ساتھ بارش کی توقع ہے ۔

گذشتہ 24 گھنٹوں کے دوران ملک کے بیشتر علاقوں میں موسم گرم اورخشک جبکہ وسطی اور جنوبی اضلاع میں شدید گرم رہا۔ اس دوران ملک میں زیادہ سے زیادہ درجہ حرارت شہید بینظیرآباد، دادو48، جیکب آباد ،موہنجوداڑو ، لاڑکانہ،سبی، روہڑی47، رحیم یارخان،خان پور،بھکر،ڈی جی خان،خیرپور،مٹھی،سکھر،پڈعیدن اورسکرنڈ میں 46ڈگری سینٹی ریکارڈ کیا گیا۔