w دولہاٹریفک حادثے میں جاں بحق ،منتظر دلہن پر قیامت ٹوٹ پڑی

اتوار 12 مئی 2024 17:15

]نئی دہلی (اُردو پوائنٹ اخبارتازہ ترین - آن لائن۔ 12 مئی2024ء) گھر پر اپنی بارات آنے کا انتظار کرنے والی دلہن پر قیامت ٹوٹ پڑی، بارات لے کر آنے والا دولہا ٹریفک حادثے میں اپنی جان گنوا بیٹھا۔

(جاری ہے)

بھارتی میڈیا رپورٹ کے مطابق یہ اندوہناک حادثہ بھارت کی ریاست اتر پردیش میں پیش آیا، ضلع جھانسی کانپور ہائی وے پر ایک تیز رفتار گاڑی نے آگے چلنے والی دولہا کی کار کو زور دار ٹکر ماری جس کے نتیجے میں کار میں فوری طور پر آگ بھڑک اٹھی، آگ اتنی شدید تھی کہ اس میں موجود دولہا سمیت چار افراد کو کار سے باہر نکلنے کا موقع ہی نہیں مل سکا، اور وہ موقع پر ہی جھلس کر ہلاک ہوگئے۔

حادثے کے بعد جائے وقوعہ پر لوگوں کا رش لگ گیا، اطلاع ملتے ہی فائر بریگیڈ اور تھانے کی پولیس موقع پر پہنچی۔بھارتی میڈیا رپورٹ کے مطابق فائر بریگیڈ کے عملے نے اس دوران کار میں سوار دو افراد کو کانچ توڑ کر باہر نکالا گیا اور انہیں شدید جھلسی ہوئی حالت میں علاج کے لئے متعلقہ ہسپتال بھیج دیا۔