صوبائی دارالحکومت لا ہور سمیت پنجاب کے بیشتر علاقوں میں موسم گرم اور خشک رہے گا، محکمہ موسمیات

لاہور (اُردو پوائنٹ اخبارتازہ ترین - اے پی پی۔ 17 مئی2024ء) محکمہ موسمیات نے پیش گوئی کی ہے کہ آئندہ چوبیس گھنٹوں کے دوران صوبائی دارالحکومت لا ہور سمیت پنجاب کے بیشتر علاقوں میں موسم گرم اور خشک جبکہ وسطی وجنوبی علاقوں میں شدید گرم رہنے کے علاوہ گرد آلود ہوائیں چلنے کا امکان ہے ۔تاہم شام کو با لائی پنجاب میں مطلع جزوی ابر آلود رہنے کے علاوہ چند مقامات پر آندھی چلنے اور گرج چمک کے ساتھ بارش کی بھی توقع ہے ۔

(جاری ہے)

ترجمان محکمہ موسمیات کے مطابق گزشتہ 24 گھنٹوں دوران پنجاب کے بیشتر علاقوں میں موسم گرم اورخشک جبکہ وسطی وجنوبی علاقوں میں شدید گرم رہا۔لاہور میں کم سے کم درجہ حرارت 29جبکہ زیادہ سے زیادہ 43سینٹی گریڈ ریکارڈ کیا گیا، ہوا میں نمی کا تناسب 21فی صد رہا،لا ہور میں آلودگی کی مجموعی شرح 91فیصد رہی،اسی طرح شہر کے دیگر علاقوں یو ایس قونصلیٹ 154، فیز 8 ایوی گر ین 114، پاکستان انجینئرنگ سروسز 92،ذکی فارمز 137،سید مراتب علی روڈ 99،ریونیوسوسائٹی 88 ،سی ای آر پی آفس 98اورفیز8ڈی ایچ اے میں92ائیر کوالٹی انڈیکس ریکارڈ کیا گیا۔