سعودی عرب سیاحتی شعبے میں تیز رفتار ترقی کرنے والے ممالک میں دوسرے نمبر پرآگیا

جمعرات 23 مئی 2024 09:00

ریاض (اُردو پوائنٹ اخبارتازہ ترین - اے پی پی۔ 23 مئی2024ء) سعودی عرب سیاحتی شعبے میں تیز رفتار ترقی کرنے والے ممالک میں دوسرے نمبر پرآگیا۔ ایس پی اے کےمطابق وزیر سیاحت مسقط میں اقوام متحدہ کی ذیلی سیاحتی تنظیم برائے مشرق وسطی کے 50 ویں اجلاس سے خطاب کررہے تھے۔احمد الخطیب نے کہا کہ’ سعودی عرب میں عالمی سطح پر سیاحت کے فروغ کے لیے مختلف علاقوں میں مثالی ترقیاتی اقدامات کیے گئے ہیں ۔

(جاری ہے)

سعودی وزیر سیاحت اور اقوام متحدہ کی سیاحتی تنظیم کی ایگزیکٹو کونسل کے چیئرمین احمد الخطیب نے کہا ہے کہ سعودی وژن 2030 کے اہداف کے مطابق مملکت میں سیاحت کے شعبے نے غیرمعمولی ترقی کی ہے۔انہوں نے کہا کہ شاہ سلمان بن عبدالعزیز اور ولی عہد کی سربراہی میں انتہائی مختصر مدت میں سعودی عرب نے عالمی سطح پر مثالی سیاحتی ملک کے طور پر اپنی شناخت قائم کی ہے جو سیاحوں کے لیے منفرد اور پرکشش ملک کی حیثیت اختیار کرگیا۔ انہوں نے کہاکہ دنیا میں سیاحتی شعبے میں تیز رفتار ترقی کرنے والے ممالک میں سعودی عرب نے دوسری پوزیشن حاصل کی ہے۔