کراچی، چیئرمین پی پیپی بلاول بھٹو زرداری کا پشاور میں آپریشن کے دوران دو فوجی جوانوں کی شہادت پر افسوس کا اظہار

اتوار 26 مئی 2024 15:30

کراچی (اُردو پوائنٹ اخبارتازہ ترین - اے پی پی۔ 26 مئی2024ء) پیپلز پارٹی کے چیئرمین بلاول بھٹو زرداری نے پشاور کے علاقے حسن خیل میں آپریشن کے دوران دو فوجی جوانوں کی شہادت پر افسوس کا اظہار کیا ہے۔

(جاری ہے)

میڈیا سیل بلاول ہاوَس سے جاری بیان کے مطابق پی پی پی چیئرمین نے کہا کہ مذکورہ آپریشن میں شہید ہونے والے کیپٹن حسین جہانگیر اور حوالدار شفیق اللہ کی قربانی کو قوم کبھی فراموش نہیں کرے گی۔

انہوں نے کیپٹن حسین جہانگیر شہید اور حوالدار شفیق اللہ شہید کے اہلخانہ سے بھی دلی تعزیت و یکجہتی کا اظہار کیا ۔بلاول بھٹو زرداری نے آپریشن کے دوران 5 دہشتگردوں کو جہنم واصل کرنے پر سکیورٹی فورسز کے جوانوں کو شاباش دی ۔انہوں نے اس عزم کا بھی اعادہ کیا کہ دہشتگردوں سے اپنے شہدا کے خون کے ہر قطرے کا حساب لینے تک سُکھ کا سانس نہیں لیں گے۔\932