پشاورمیں ای سگریٹ، وپیس اور نکوٹین پاوچ پر پابندی عائد

جمعہ 14 جون 2024 16:35

پشاور (اُردو پوائنٹ اخبارتازہ ترین - اے پی پی۔ 14 جون2024ء) پشاور میں ای سگریٹ، وپیس اور نکوٹین پاوچ پر پابندی عائد کردی گئی ہے ، ضلعی انتظامیہ کی جانب سے اس سلسلے میں دفعہ 144 نافذ کر دی گئی ہے ۔اس حوالے سے ضلعی انتظامیہ کا کہنا ہے کہ ای سگریٹ، وپیس اور نکوٹین پاوچ سے سانس کی بیماریاں پھیلنے کا خدشہ ہے۔

(جاری ہے)

ضلعی انتظامیہ نے واضح کیا کہ ہسپتالوں اور تعلیمی اداروں کے آس پاس اور 21 سال سے کم عمر نوجوانوں پر ای سگریٹ، ویپس اور نکوٹین پاوچ فروخت کرنے پر مکمل پابندی عائد ہوگی۔ضلعی انتظامیہ کی جانب سے جاری اعلامیہ میں بتایا گیا ہے کہ عوامی مقامات اور گاڑیوں پر ان پراڈکٹس کی تشہیر بھی نہیں ہونی چاہیے۔ ان قوائد و ضوابط کی خلاف ورزی کرنے والوں سے آہنی ہاتھوں سے نمٹا جائے گا۔

Facebook Twitter Google + Share on Whatsapp

پشاورمیں ای سگریٹ، وپیس اور نکوٹین پاوچ پر پابندی عائد

متعلقہ عنوان :

مزید قومی خبریں