خیبر پختونخوا میں موسم گرم اور خشک رہے گا ،محکمہ موسمیات

پیر 24 جون 2024 23:46

پشاور(اُردو پوائنٹ اخبارتازہ ترین - این این آئی۔ 24 جون2024ء) خیبر پختونخوا میں موسم گرم اور خشک رہے گا ۔ صوبے کے میدانی اضلاع میں موسم شدید گرم رہنے کا امکان ہے ۔ ڈی آئی خان میں پارا 43 اور پشاور میں 42 ڈگری سینٹی گریڈ تک جانے کا امکان ہے۔محکمہ موسمیات کے مطابق خیبر پختونخوا میں موسم گرم اور خشک رہے گا ۔ صوبے کے میدانی اضلاع میں موسم شدید گرم رہنے کا امکان ہے ۔

(جاری ہے)

آئندہ چوبیس گھنٹوں کے دوران چترال ، دیر ، سوات ، شانگلہ ، بونیر،مالاکنڈ ، کوہستان ، بٹگرام ، مانسہرہ ، تورغر ، ایبٹ آباد ، کرم میں تیز ہواوں اور گرج چمک کے ساتھ بارش کا امکان ہے ۔ گذشتہ روز چترال ، ایبٹ آباد ، سوات ، دیر اور بونیر میں بارش ہوئی ۔ سب سے زیادہ بارش کاکول میں 25 ملی میٹر ریکارڈ ہوئی ۔ جبکہ مالم جبہ میں 10، چترال اور بونیر میں 3 ملی میٹر بارش ریکارڈ ہوئی ۔

پشاور شہر کا کم سے کم درجہ حرارت 25 ڈگری سینٹی گریڈ ریکارڈ کیا گیا ۔ پشاور کا زیادہ سے زیادہ درجہ حرارت 42 ڈگری سینٹی گریڈ تک جانے کا امکان ہے ۔ گذشتہ روز سب سے کم درجہ حرارت مالم جبہ میں 14 ، دیر میں 15 ڈگری سینٹی گریڈ ریکارڈ کیا گیا ۔ ڈی آئی خان میں درجہ حرارت 43 ڈگر ی سینٹی گریڈ تک جانے کا امکان ہے۔