شوہر بنانے کا وقت آگیا، بوائے فرینڈ کہاں سے ڈھونڈیں، لائبہ خرم کی ویڈیو وائرل

ہفتہ 29 جون 2024 11:40

نئی دہلی (اُردو پوائنٹ اخبارتازہ ترین - این این آئی۔ 29 جون2024ء) ابھرتی ہوئی اداکارہ و ماڈل لائبہ خرم کی جانب سے حال ہی میں مداحوں کے سوالوں کے جوابات دینے کے دوران بوائے فرینڈ سے متعلق پوچھے گئے سوال کی ویڈیو وائرل ہوگئی جس میں وہ کہتی ہیں کہ ان کا شوہر بنانے کا وقت آگیا، وہ بوائے فرینڈ کہاں سے ڈھونڈیں۔لائبہ خرم نے حال ہی میں انسٹاگرام پر مداحوں کے سوالوں کے جوابات دیے، ایک مداح نے ان سے پوچھا کہ ان کا کوئی بوائے فرینڈ ہی اس پر اداکارہ نے تحریری جواب دینے کے بجائے اپنی مزاحیہ ویڈیو شیئر کی جو سوشل میڈیا پر وائرل ہوگئی۔

لائبہ خرم نے بوائے فرینڈ کے سوال پر مزاحیہ انداز میں جواب دیا کہ اب ان کی عمر شوہر بنانے کی ہوگئی، اس عمر میں وہ بوائے فرینڈ کہاں سے ڈھونڈیں انہوں نے منفرد انداز میں سب کو مخاطب ہوکر کہا کہ اب تو ایسا دور آگیا جو لڑکا ملے گا، اسے پکڑ لیا جائیگا۔

(جاری ہے)

انہوں نے مداحوں کو بھی مشورہ دیا کہ انہیں جو بھی لڑکا ملے، اسے پکڑ لیں اور لڑکے کو بتائیں کہ وہ ہاتھوں میں آگیا، اب اس سے شادی ہوگی۔

لائبہ خرم نے کہا کہ اگر لڑکا انکار کرے تو اس کے گھر میں گھس جائو اور ان کی والدہ کو بتائو کو گزشتہ 6 مہینے سے میرے ساتھ گھوم رہا تھا، اب اسے جانے نہیں دیا جائے گا۔اداکارہ نے کہا کہ لڑکے کے گھر میں گھس کر اس کی والدہ کو کہیں کہ یا تو ان کا بیٹا ان کے ساتھ جائے گا یا پھر لڑکی کا پورا گھر لڑکے کے گھر میں آجائے گا۔