پنجاب کے بیشتر علاقوں میں موسم گرم ،شمال مشرقی علاقوں میں آندھی وگرج چمک کے ساتھ بارش کا امکان

ہفتہ 29 جون 2024 16:43

لاہور (اُردو پوائنٹ اخبارتازہ ترین - اے پی پی۔ 29 جون2024ء) محکمہ موسمیات نے پیشگوئی کی ہے کہ آئندہ چوبیس گھنٹوں کے دوران صوبائی دارالحکومت لا ہور سمیت پنجاب کے بیشتر علاقوں میں موسم گرم ومرطوب رہنے کا امکان ہے جبکہ شمال مشرقی علاقوں میں چند مقامات پر آندھی،جھکڑ چلنے اورگرج چمک کے ساتھ بارش کی توقع ہے۔

(جاری ہے)

ترجمان محکمہ موسمیات کے مطا بق گزشتہ چوبیس گھنٹوں کے دوران پنجاب کے بیشتر شہروں میں موسم گرم اور مر طوب رہا۔

لاہور میں کم سے کم درجہ حرارت 31 اور زیادہ سے زیادہ40سینٹی گریڈ ریکارڈ کیا گیا جبکہ ہوا میں نمی کا تناسب42فیصد رہا۔لا ہور میں آلودگی کی مجموعی شرح 94فیصد رہی جبکہ شہر کے مختلف علاقوں میں ایئر کوالٹی انڈیکس ریونیو سوسائٹی میں114، یو ایم ٹی میں99،سید مراتب علی روڈ پر105، نیٹسول117،ٹھو کر نیا ز بیگ94، آرک اسٹیشن ون90،پاکستان انجینئرنگ سروسز 107اور لا ہور امریکن سکو ل میں170 ریکارڈ کیا گیا۔