آئندہ چوبیس گھنٹوں کے دوران خیبر پختونخوا کے بیشتر اضلاع میں بارش کا امکان ہے، محکمہ موسمیات

ہفتہ 29 جون 2024 23:04

پشاور(اُردو پوائنٹ اخبارتازہ ترین - این این آئی۔ 29 جون2024ء) آئندہ چوبیس گھنٹوں کے دوران خیبر پختونخوا کے بیشتر اضلاع میں بارش کا امکان ہے ۔ گذشتہ روز سوات ، دیر اور مانسہرہ میں بارش ہوئی۔محکمہ موسمیات کے مطابق خیبر پختونخوا کے بیشتر اضلاع میں آئندہ 24 گھنٹوں کے دوران بارش کا امکان ہے ۔

(جاری ہے)

پشاور ، نوشہرہ ، مردان ، چارسدہ ، صوابی ،چترال ، دیر ، باجوڑ ، ایبٹ آباد ، مانسہرہ ، بٹگرام، تورغر ، کوہستان ، شانگلہ ، سوات ، بونیر ، مالاکنڈ،خیبر ، مہمند ، کوہاٹ ، کرک ، بنوں ، لکی مروت ،ٹانک ، ڈی آئی خان ، جنوبی و شمالی وزیر ستان میں بھی گرج چمک اور تیز ہواوں کے ساتھ بارشیں ہونگی ۔

آئندہ 5 روز کے دوران ہزارہ اور مالاکنڈ ڈویڑن میں موسلادھار بارش کا امکان ہے۔ گذشتہ روز سوات ، دیر اور مانسہرہ میں بارش ہوئی ۔سب سے زیادہ بارش مالم جبہ میں 40 ملی میٹر ریکارڈ ہوئی ۔بالاکوٹ میں 38 ملی میٹر بارش ریکارڈ ہوئی ۔ پشاور کا کم سے کم درجہ حرارت 24 ڈگری سینٹی گریڈ ریکارڈ کیا گیا ۔ شہر کا زیادہ سے زیادہ درجہ حرارت 40 ڈگری سینٹی گریڈ تک جانے کا امکان ہے ۔سب سے کم درجہ حرارت دیر میں کالام میں 15 ، مالم جبہ میں 17 ڈگری سینٹی گریڈ ریکارڈ کیا گیا۔