خیبر پختونخوا میں موسم گرم اورخشک رہے گا ۔ صوبے کے بیشتر اضلاع میں آئندہ چوبیس گھنٹوں کے دوران بارشوں کا امکان

پیر 1 جولائی 2024 23:07

پشاور(اُردو پوائنٹ اخبارتازہ ترین - این این آئی۔ 01 جولائی2024ء) خیبر پختونخوا میں موسم گرم اورخشک رہے گا ۔ صوبے کے بیشتر اضلاع میں آئندہ چوبیس گھنٹوں کے دوران بارشوں کا امکان ہے۔محکمہ موسمیات کے مطابق خیبر پختونخوا میں موسم گرم اورخشک رہے گا ۔

(جاری ہے)

آئندہ 24 گھنٹوں کے دوران پشاور ، نوشہرہ چارسدہ ، مردان ، صوابی ، ہری پور ،چترال ، مانسہرہ ، ایبٹ آباد ، بٹگرام ، تورغر، کوہستان ، شانگلہ ، سوات ، بونیر ، مالاکنڈ، باجوڑ ، مہمند ، خیبر ، کوہاٹ ، کرک ، بنوں ، لکی مروت ،ٹانک ، ڈی آئی خان ، جنوبی و شمالی وزیر ستان میں گرج چمک اور تیز ہواوں کے ساتھ بارش کا امکان ہے ۔

ہزارہ اور ملاکنڈ ڈویڑن میں اگلے چار سے پانچ دنوں کے دوران موسلادھار بارش کا امکان ہے ۔گذشتہ روز سوات ، دیر ، باجوڑ ، مردان ، ایبٹ آباد میں بارش ہوئی ۔ سب سے زیادہ بارش کاکول میں 34 ملی میٹر ریکارڈ ہوئی ۔ مردان میں 6 ، کالام 3 ، رسالپور میں 2 ، تیمر گرہ میں 1 ملی میٹر بارش ریکارڈ ہوئی ۔ پشاور کا کم سے کم درجہ حرارت 27 ڈگری سینٹی گریڈریکارڈ کیا گیا ۔شہر کا زیادہ سے زیادہ درجہ حرارت 41 ڈگری سینٹی گریڈ تک جانے کا امکان ہے ۔ سب سے کم درجہ حرارت کالام میں 16 ، مالم جبہ میں 17 ڈگر ی سینٹی گریڈ ریکارڈ کیا گیا۔