آئندہ چوبیس گھنٹوں کے دوران لا ہور سمیت پنجاب کے بیشتر شہروں میں مو سم گرم و خشک،با لا ئی اور وسطی علاقوں میں بارش کا امکان ہے، محکمہ موسمیات

منگل 2 جولائی 2024 19:23

لاہور (اُردو پوائنٹ اخبارتازہ ترین - اے پی پی۔ 02 جولائی2024ء) محکمہ موسمیات نے پیشگوئی کی ہے کہ آئندہ چوبیس گھنٹوں کے دوران صوبائی دارالحکومت لا ہور سمیت پنجاب کے بیشتر شہروں میں مو سم گرم و خشک جبکہ با لائی اور وسطی علاقوں میں آند ھی،جھکڑ چلنے اور گر ج چمک کے سا تھ بارش کا امکان ہے۔

(جاری ہے)

ترجمان محکمہ موسمیات کے مطا بق گزشتہ چوبیس گھنٹوں کے دوران پنجاب کے شمال مشرقی اور وسطی علاقوں میں بارش ہو ئی،لاہور میں کم سے کم درجہ حرارت 30 جبکہ زیادہ سے زیادہ 38 سینٹی گریڈ ریکارڈ کیا گیا،ہوا میں نمی کا تناسب 54 فیصد رہا،لا ہور میں آلودگی کی مجموعی شرح 88 فیصد رہی،اسی طرح شہر کے مختلف علاقوں میں ایئر کو الٹی انڈیکس درج ذیل رہا، یو ایس قو نصلیٹ 112 ، ریونیو سوسائٹی میں94،یو ایم ٹی میں94 ،سید مراتب علی روڈ88 ،سی ای آر پی آفس107،ٹھو کر نیا ز بیگ88 ، آرک اسٹیشن ون 105،پاکستان انجینئرنگ سروسز 88 اور ذکی فا ر مز میں ائیر کوالٹی انڈیکس105 ریکارڈ کیا گیا۔