ارجنٹائن اور ایکواڈور کے درمیان کوپا امریکا فٹ بال چیمپئن شپ کا پہلا کوارٹر فائنل جمعرات کو کھیلا جائے گا

بدھ 3 جولائی 2024 11:56

کیلیفورنیا (اُردو پوائنٹ اخبارتازہ ترین - اے پی پی۔ 03 جولائی2024ء) کوپا امریکا فٹ بال چیمپئن شپ کا کوارٹر فائنل رائونڈ کل (جمعرات سے ) شروع ہوگا۔چیمپئن شپ کے پہلے کوارٹر فائنل میچ میں چیمپئن شپ میں دفاعی چیمپئن ارجنٹائن اور ایکواڈورکی ٹیمیں پنجہ آزمائی کریں گی۔ سائوتھ امریکا فٹ بال کنفیڈریشن کے زیر اہتمام کوپا امریکا کے 48 ویں ایڈیشن کے سنسنی خیز مقابلے امریکا میں جاری ہیں جس میں شائقین فٹ بال کو انتہائی دلچسپ مقابلے دیکھنے کو مل رہے ہیں ۔

کوپا امریکا فٹ بال چیمپئن شپ میں کل جمعرات کو پہلے کوارٹر فائنل میچ میں دفاعی چیمپئن ارجنٹائن کا مقابلہ ایکواڈور سے این آر جی سٹیڈیم، ہیوسٹن، ٹیکساس کے مقام پر ہوگا۔چیمپئن شپ میں 5 جولائی کو دوسرے کوارٹر فائنل میں وینزویلا اور کینیڈا کی ٹیمیں اے ٹی اینڈ ٹی سٹیڈیم، آرلنگٹن، ٹیکساس میں پنجہ آزمائی کریں گی۔

(جاری ہے)

چیمپئن شپ میں تیسرے اور چوتھے کوارٹر فائنل کا فیصلہ 6جولائی کو ہوگا۔

تیسرے کوارٹر فائنل میچ میں کولمبیا اور پاناما کی ٹیمیں سٹیٹ فارم سٹیڈیم، گلینڈیل، ایریزونا میں آمنے سامنے ہوں گی جبکہ چوتھا اور آخری کوارٹر فائنل میچ یوراگوئے اور برازیل کے درمیان ایلجیئنٹ سٹیڈیم، لاس ویگاس، نیواڈا میں کھیلا جائے گا۔ کوپا امریکا فٹ بال چیمپئن شپ کا کوارٹر فائنل مرحلہ 4 جولائی کو شروع ہوکر 6 جولائی کو اختتام پذیر ہوگاجس کے بعد پہلا سیمی فائنل میچ 9 جولائی ،دوسرا سیمی فائنل میچ 10 جولائی ،تیسری پوزیشن کے لئے میچ 13 جولائی جبکہ فائنل میچ 14 جولائی کو کھیلا جائے گا، جو فلوریڈا میں شیڈول ہے۔\932