ح*ڈائریکٹر اسکول کراچی نے سیکرٹری ایجوکیشن کے احکامات ہوا میں اڑا دیئے

-اساتذہ کی اسکروٹنی کی زیر التواء اپیلیں حل نہ ہوئی تو10جولائی کو احتجاجی دھرنا ہو گا ھ*ڈائریکٹر اور ضلعی آفسز میں تالہ بندی اور کام بند ہوگا، ذمہ دار ڈائریکٹراسکول ہوںگے

اتوار 7 جولائی 2024 19:45

Eکراچی (اُردو پوائنٹ اخبارتازہ ترین - آن لائن۔ 07 جولائی2024ء) ڈائریکٹر اسکول ایجوکیشن کراچی نے سیکریٹری اسکول ایجوکیشن کے احکامات بھی ہوا بھی اڑا دیئے ،سیکریٹری اسکول نے سنیارٹی پروٹیکشن کیلئے اساتذہ کی اسکروٹنی کی زیر التواء اپیلوں کو حل کرنے کے احکامات دیئے مگر ڈائریکٹر اسکول نے معاملہ کو تاحال آگے نا بڑھایا ،ایپکا کراچی ڈویژن 8جولائی تک آرڈر جاری نہ کرنے پر10جولائی کو احتجاجی دھرنا دینے کا اعلان کر دیا ۔

تفصیلات کے مطابق آل پاکستان کلرکس ایسوسی ایشن کراچی ڈویڑن کا ہنگامی اجلاس منعقد ہوا جس میں نہال ہاشمی،حاجی عبدالرؤف ،سید جواد کاظم،محمد نسیم،محمد سلیم،راہب علی،عبدالرؤف روفی،شوکت پرویز،سید آصف علی سمیت اہم رہنما شریک ہوئے اس موقع پر خطاب کرتے ہوئے سینئر رہنما حاجی عبدالرؤف نے کہا کہ ڈائریکٹر سکول ایجوکیشن کراچی نے تھوک کے حساب سے بغیر اسکروٹنی کمیٹی ٹیچرز کے سنیارٹی پروٹیکشن کے آڈر جاری کر دیے کافی عرصہ سے کلرکوں کی اپیلیں زیر التوا ء ہیں ۔

(جاری ہے)

ایپکا کراچی ڈویڑن کے صدر قلب حسین ابڑو نے کہا سیکرٹری ایجوکیشن نے ایک مراسلہ بھیجا ہے جس میں تمام زیر التوا اپیلوں کو حل کرنے کا کہا گیا ہے مگر سیکرٹری ایجوکیشن کے احکامات کو بھی ہوامیں اڑا دیا گیا۔ اجلاس میں مشترکہ طور پر فیصلہ کیا گیا اگر ڈائریکٹر اسکول ایجوکیشن کراچی نے 8 جولائی4 202 تک آرڈر جاری نہ کیے گئے۔تو 10 جولائی 2024 احتجاجی دھرنا ہوگا ۔ڈائریکٹر افس اور ضلعی آفسز میں تالہ بندی ہوگی اور آفسز میں کام بند ہوگا اور اس کی تمام تر ذمہ داری ڈائریکٹر اسکول ایجوکیشن یار محمد بالادی پر ہوگی۔