آئندہ چوبیس گھنٹوں کے دوران صوبے کے بیشتر اضلاع ب میں موسم گرم اور مرطوب رہنے کا امکان

پیر 8 جولائی 2024 22:59

کوئٹہ (اُردو پوائنٹ اخبارتازہ ترین - اے پی پی۔ 08 جولائی2024ء) آئندہ چوبیس گھنٹوں کے دوران صوبے کے بیشتر اضلاع میں موسم گرم اور مرطوب رہنے کا امکان ہے۔

(جاری ہے)

علاقائی موسمیاتی مرکز بلوچستان کے مطابق کل منگل کوصوبے کے بیشتر اضلاع میں موسم گرم اور مرطوب رہنے کی توقع ہے تاہم ژوب، بارکھان، کوہلو، سبی، ڈیرہ بگٹی، جھل مگسی، لورالائی، خضدار، آواران، اورماڑہ، حب، لسبیلہ اور گردونواح میں چند ایک مقامات پر تیز ہوائوں اور گرج چمک کے ساتھ بارش کا امکان ہے۔

گزشتہ 24 گھنٹوں کے دوران سب سے زیادہ درجہ حرارت تربت میں (49)، لسبیلہ اور دالبندین میں (43)، نوکنڈی میں (42)،سبی میں (41)، پنجگور میں (40)، خضدار میں (39)، پسنی میں (39) میں ریکارڈ کیا گیا۔ گوادر، جیوانی، اورماڑہ اور کوئٹہ میں (37)، ژوب میں (34)، قلات میں (33) اور بارکھان میں،(32) ڈگری سینٹی گریڈ ریکارڈ کیا گیا۔بارکھان اور سبی میں 4.0 ملی میٹر بارش ریکارڈ کی گئی۔