لاہور (اُردو پوائنٹ اخبارتازہ ترین - اے پی پی۔ 09 جولائی2024ء) بورڈ آف انٹرمیڈیٹ اینڈسکینڈری ایجوکیشن
لاہور کے تحت سالانہ میٹرک امتحانات میں پوزیشن ہولڈرز طلباوطالبات کے اعزاز میں منگل کے روز ایوان
قائداعظم میں تقریب کا انعقادکیاگیا۔ ترجمان کے مطابق صوبائی وزیر تعلیم
پنجاب رانا
سکندر حیات خاں نے تقریب کی صدارت کی جبکہ کمشنر
لاہور و چیئرمین
لاہور بورڈ زید بن مقصود،سیکرٹری ہائرایجوکیشن
ڈاکٹر فرخ نوید مہمانان خصوصی تھے۔
تقریب میں تمام پوزیشن ہولڈرز طلباوطالبات، انکے والدین ،سی ای وز ایجوکیشن اور ایجوکیشن سیکٹرز کے افراد نے شرکت کی،تقریب میں پوزیشن ہولڈر محمد
ایان کو لیپ ٹاپ، گولڈ میڈل اور تعریفی سند دی گئی جبکہ دیگر پوزیشن ہولڈرز کو میڈلز اور تعریفی اسناد دی گئیں۔
(جاری ہے)
تقریب میں طلبا وطالبات اور انکے والدین نے اپنے تاثرات کا اظہار کیا۔ سیکرٹری بورڈ ڈاکٹر بشری نے کئے جانے والے انتظامات کو سراہا، کنٹرولر امتحانات لاہور بورڈ محمدزاہد میاں نے امتحانات میں ٹرانسپرنسی اور حاصل نتائج کے اعداد و شمار پیش کئے۔
اس موقع پر خطاب کرتے ہوئے صوبائی وزیر
تعلیم رانا
سکندر حیات نے کہا کہ امتحانات کو شفاف بنایا گیا، طلبا و طالبات نے بہترین و شاندار کارکردگی کا مظاہرہ کیا،
حکومت پنجاب طلبا و طالبات کی حوصلہ افزائی کیلئے انقلابی پروگرام پر عمل پیرا ہے۔ انہوں نے کہا کہ پورے
پنجاب کے تمام بورڈز میں شاندار کاکردگی کا مظاہرہ کرنے والے طلبا و طالبات کو مکمل سپورٹ کیا جائیگا۔
کمشنر
لاہور زید بن مقصود نے کہا کہ طلبا و طالبات ہمارا مستقبل ہیں۔ان کی شاندار کارکردگی ہمارے روشن مستقبل کی نوید ہے، شاندار کارکردگی پر تمام طلبا و طالبات ،انکے والدین، اساتذہ اور انکے ادارے لائق تحسین ہیں۔ صوبائی وزیر تعلیم
پنجاب رانا سکنڈر حیات خاں نے پورے
لاہور بورڈ کے نتائج کے اعلان کا افتتاح کیا۔ واضح رہے کہ میٹرک امتحانات کے نتائج میں
لاہور ڈویژن اور سائنس گروپ میں محمد
ایان کاشف نے 1190 نمبر لے کر پہلی پوزیشن حاصل کر لی جبکہ سائنس گروپ میں دوسری پوزیشن دو بچوں نے حاصل کی جس میں معیز حیدر 1186 جبکہ مہین سجاد نے بھی 1186 نمبر حاصل کی ہے،تیسری پوزیشن چار بچوں نے حاصل کی جس میں آبیرہ آصغر ،عبید اللہ عثمان ، زینب اصف اور سحر شکیل نے 1186 نمبر لے کر تیسری پوزیشن حاصل کی ۔
آرٹس گروپ میں لڑکوں میں سے پہلی پوزیشن غلام حمای الدین نے 1073 نمبر حاصل کیے دوسری پوزیشن احتسام الحق جبکہ تیسری پوزیشن محمد فرحان نے حاصل کی ۔
