پنجاب میں بارش برسانے والا سسٹم موجود‘ شہریوں کو سفرسے احتیاط کی ہدایت

مختلف اضلاع میں گرج چمک کے ساتھ موسلا دھار بارش ہوسکتی ہے‘پی ڈی ایم اے

جمعرات 11 جولائی 2024 12:44

پنجاب میں بارش برسانے والا سسٹم موجود‘ شہریوں کو سفرسے احتیاط کی ہدایت

لاہور(اُردو پوائنٹ اخبارتازہ ترین - این این آئی۔ 11 جولائی2024ء) پنجاب کے بیشتر اضلاع میں موسلادھار بارشوں کا امکان ہے۔ترجمان پی ڈی ایم اے کے مطابق پنجاب میں بارش برسانے والا سسٹم موجود ہے جس کے زیراثر مختلف اضلاع میں گرج چمک کے ساتھ موسلا دھار بارش ہوسکتی ہے۔ مون سون بارشوں کا یہ اسپیل 15 جولائی تک جاری رہنے کا امکان ہے۔ لاہور، سیالکوٹ، نارووال، گوجرانوالہ، فیصل آباد اور راولپنڈی میں اربن فلڈنگ کا خطرہ ہے۔

(جاری ہے)

پنجاب کے دریاؤں میں پانی کا بہاؤ نارمل ہے۔ دریائے سندھ ،چناب، راوی، جہلم اور ستلج میں پانی کا بہاؤ نارمل لیول پر ہے۔ ڈی جی پی ڈی ایم اے عرفان علی کاٹھیا نے متعلقہ اداروں کو الرٹ رہنے کی ہدایات جاری کردیں۔ شہریوں سے اپیل کی گئی ہے کہ دریاؤں، ندی اور نالوں کی غیر ضروری کراسنگ سے گریز کریں۔ بجلی کے تاروں اور کھمبوں سے فاصلہ رکھیں۔ پی ڈی ایم اے کنٹرول روم 24 گھنٹے صورتحال کو مانیٹر کر رہا ہے۔ ہنگامی صورتحال میں پی ڈی ایم اے کی ہیلپ لائن 1129پر رابطہ کریں۔