پاراچنار میں مختلف امام بارگاہوں سے 7محرم الحرام کے 38 سے زائد عزاداری کے ماتمی جلوس اختتام پذیر

اتوار 14 جولائی 2024 18:50

پاراچنار (اُردو پوائنٹ اخبارتازہ ترین - اے پی پی۔ 14 جولائی2024ء) پاراچنار میں مرکزی امام بارگاہ سمیت مختلف امام بارگاہوں سے 7محرم الحرام کے 38 سے زائد عزاداری کے ماتمی جلوس اپنے مقررہ راستوں سے ہوتے ہوئے رات گئے واپس امام بارگاہوں پر اختتام پذیر ہو گئے۔ کرم پولیس اور پاک فوج کی جانب سے ماتمی جلوسوں کے حفاظت کیلئے فول پروف سیکیورٹی انتظامات کیے گئے۔

ضلع بھر میں قیام امن برقرار رکھنے اور سیکیورٹی خدشات کے پیش نظر موبائل فون سروس کو بھی معطل کر دی گئی تھی ۔

(جاری ہے)

پاک آرمی 55 بلوچ کے کرنل یوسف اور ڈی پی او کرم نثار احمد نے وقتاً فوقتاً پاراچنار سٹی مرکزی جلوس کے گزرگاہوں کا دورہ کرکے مجموعی سکیورٹی صورتحال اور مقامی پولیس کی جانب سے کئے گئے سکیورٹی کے خفاظتی انتظامات کا جائزہ لیا۔ڈی پی او کرم نثار احمد خان نے مرکزی جلوس سمیت دیگر ملحقہ علاقوں کے مختلف امام بارگاہوں سے برآمد ہونے والے عزاداری کے ماتمی جلوسوں کی خود نگرانی کی۔ماتمی جلوسوں کے روٹس کو بی ڈی ایس سکواڈ کے ذریعے کلیئر قرار دینے اور غیر ضروری راستوں پر خار دار تاروں کو لگا کر ہر قسم کی آمد و رفت کے لئے بند کردی گئیں۔